15:00 - 19/Հոկտեմբեր/2017  #Պաշտոնական

Կառավարություն. Կարեն Կարապետյանի հանձնարարականները

 

Այսօր տեղի է ունեցել ՀՀ կառավարության հերթական նիստը, որը վարել է ՀՀ վարչապետ Կարեն Կարապետյանը: Նախքան օրակարգային հարցերի քննարկումը՝ վարչապետը մի շարք հանձնարարականներ է տվել:

Կառավարության ղեկավարի առաջին հանձնարարականն անտառօգտագործման ծավալների և պատասխանատվության միջոցների կատարելագործման վերաբերյալ էր:

«Անտառների կառավարման և պահպանման արդյունավետության բարձրացման և առկա խնդիրների լուծման նպատակով տրվել էր համապատասխան հանձնարարական։ Մոտ ժամանակներս շահագրգիռ մարմինների հետ ամբողջությամբ քննարկված և լրամշակված հայեցակարգը կներկայացվի կառավարության աշխատակազմ: Միաժամանակ, իրականացված ուսումնասիրությունների արդյունքում պարզ է դարձել, որ մի կողմից ապօրինի ծառահատումների համար սահմանված վարչական և քրեական պատասխանատվության միջոցները չեն նպաստում դրանց կանխարգելմանը, մյուս կողմից՝ վերջին տարիներին ավելի քան երեք անգամ նվազեցվել են բնափայտի մթերման օրինական ծավալները»,-նշել է Կարեն Կարապետյանը:

Հաշվի առնելով վերոնշյալ խնդիրները և դրանց լուծման հրատապությունը՝ վարչապետը հանձնարարել է Բնապահպանության, Գյուղատնտեսության, Տարածքային կառավարման և զարգացման նախարարներին շարունակել անտառամերձ համայնքների բնակիչներին թափուկի անվճար տրամադրման գործընթացը՝ առաջնայնությունը տալով սոցիալապես խոցելի խմբերին, միաժամանակ ապահովելով այդ գործընթացի թափանցիկությունը: Հանձնարարվել է նաև 10-օրյա ժամկետում համատեղ քննարկել և կառավարության աշխատակազմ ներկայացնել բնափայտի օրինական մթերման վերանայված և օպտիմալ ծավալները՝ հիմնված բնական վերաճի և սահմանափակումների վրա: Վերոնշյալ գերատեսչությունների ղեկավարները 2-ամսյա ժամկետում համատեղ կմշակեն և կառավարության աշխատակազմ կներկայացնեն ապօրինի անտառհատումների վերաբերյալ վարչական և քրեական պատասխանատվության միջոցների հստակեցման և խստացման վերաբերյալ իրավական ակտի նախագծեր:

«Հաշվի առնելով շուկայի իրական ծավալները, գնահատելով ստվերը՝ մենք պետք է «Հայանտառ»-ում բարեփոխումներ կատարենք, տրամաբանության չափով լեգալիզացնել անտառահատումները, ֆինանսական միջոցներ ուղղենք «Հայանտառ», որպեսզի վերջինս պատրաստ լինի գույքով և անհրաժեշտ գործիքներով մաքսիմալ կոշտ հսկողություն իրականացնելու»,- ընդգծել է վարչապետը:

Երևանում խցանումների նվազեցման վերաբերյալ առաջարկություններ կներկայացվեն

Կառավարության ղեկավարի երկրորդ հանձնարարականը ճանապարհային երթևեկության ընթացքում առաջացող խցանումների և այլ խնդիրների վերաբերյալ էր:

«Վերջին ժամանակահատվածում մեր կողմից նախաձեռնվել են օրենսդրական և գործնական բարեփոխումներ ճանապարհային կանոնների պահպանման և նվազ նշանակության իրավախախտումների նախազգուշացման կիրառման ուղղությամբ: Ճանապարհային կանոնների խախտման դեպքերով տուգանքներին հավելվող տույժերը վերացվել են: Մշակված նոր Վարչական իրավախախտումների վերաբերյալ օրենսգրքի նախագծով նախատեսվել են նախազգուշացման ինստիտուտի կիրառման ճկուն մեխանիզմներ: Միաժամանակ, փաստ է, որ աշխատանքային օրերին Երևան քաղաքում առկա են խցանումներ, երթևեկության կազմակերպման խնդիրներ, որոնց պատճառները բազմազան են և պահանջում են լուծումներ: Մասնավորապես, խնդիրներ են առաջանում նաև ուղևորների նստելու կամ իջնելու դեպքերում օրենսգրքով սահմանված մեկ րոպե ժամանակահատվածի պահպանման մասով»,-ասել է Կարեն Կարապետյանը:

Այդ նպատակով վարչապետը հանձնարարել է Տրանսպորտի, կապի և տեղեկատվական տեխնոլոգիաների նախարարին, Քաղաքաշինության պետական կոմիտեի նախագահին, Ոստիկանության պետին և առաջարկել Երևանի քաղաքապետին 2-ամսյա ժամկետում ուսումնասիրել Երևան քաղաքում խցանումների նվազեցման հնարավորությունները՝ հաշվի առնելով որոշ հատվածներում ավտոկայանատեղերի սահմանափակման, ճանապարհային երթևեկության կազմակերպման և հսկողության խստացման, ժամանակակից տեխնոլոգիաների ներդրման, ինչպես նաև այլընտրանքային երթուղիների կառուցման հարցերը և առաջարկություններ ներկայացնել կառավարության աշխատակազմ:

Տրանսպորտի, կապի և տեղեկատվական տեխնոլոգիաների նախարարին և Ոստիկանության պետին հանձնարարվել է 1-ամսյա ժամկետում ուսումնասիրել ուղևորների նստելու կամ իջնելու նպատակով կանգառ կատարելու դեպքերում սահմանված մեկ րոպե ժամանակահատվածի գերազանցումների արձանագրման մոտեցումների վերանայման հնարավորությունը և կառավարության աշխատակազմ ներկայացնել առաջարկություններ:

Հայաստանի և Ռուսաստանի միջև բեռների միջպետական փոխադրումները կիրականացվեն առանց թույլտվությունների

Հայաստանի և Ռուսաստանի կառավարությունների միջև նախատեսվում է ստորագրել միջազգային ավտոմոբիլային հաղորդակցության մասին համաձայնագիր: Գործադիրը համաձայնություն է տվել այդ համաձայնագրի կնքման առաջարկությանը: Ըստ հիմնավորման՝ համաձայնագրին համապատասխան երկու երկրների միջև և իրենց տարածքներով տարանցմամբ, ինչպես նաև դեպի երրորդ երկիր և երրորդ երկրից բեռների միջպետական փոխադրումները կիրականացվեն առանց թույլտվությունների: Թույլտվություն կպահանջվի միայն ԵԱՏՄ ոչ անդամ-պետությունների հետ երրորդ երկրի փոխադրումներ իրականացնելիս: Միջպետական կանոնավոր և ոչ կանոնավոր ուղևորափոխադրումները կիրականացվեն թույլտվությունների առկայության դեպքում, որը երկու երկրների լիազոր մարմինները կփոխանակեն յուրաքանչյու տարի: Այդ փոխադրումները իրականացնելու նպատակով լիազոր մարմինները կտրամադրեն հատուկ թույլտվություն: Համաձայնագիրը ներառում է փոխադրումների անվտանգության, ապահովագրության և վերահսկողության մեխանիզմներ: Միաժամանակ, բեռների և ուղևորների փոխադրումներ իրականացնող փոխադրողները սույն համաձայնագրի շրջանակում երկու պետությունների տարածքով փոխադրումներ իրականացնելիս փոխադարձաբար ազատվում են մյուս պետության տարածքում տրանսպորտային միջոցների սեփականության և դրանց օգտագործման հետ կապված տուրքերից, գանձումներից և մուծումներից` բացառությամբ եթե տվյալ պետության օրենսդրությամբ այլ բան նախատեսված չէ:

Օրենսդրական նախաձեռնություններ

Կնվազեցվի Վարչական և Վերաքննիչ դատարանների ծանրաբեռնվածությունը

Գործադիրը հավանություն է տվել ՀՀ դատական օրենսգրքում և հարակից օրենքներում փոփոխություններ և լրացում կատարելու մասին ՀՀ օրենքների նախագծերի վերաբերյալ կառավարության օրենսդրական նախաձեռնությանը: Օրինագծերով նախատեսվում է, մասնավորապես, ավելացնել Վերաքննիչ դատարանի դատավորների թիվը 3-ով, այսինքն` մեկ դատական կազմով: ՀՀ դատարանների նախագահների խորհրդին վերապահվել է դատարանում դատավորների թվի ավելացման դեպքում դատարանի վարույթում գտնվող գործերի վերաբաշխման կարգը սահմանելու լիազորություն: Ամրագրվել է, որ Վարչական դատարանի կողմից ենթակա են քննության անբողոքարկելի վարչական ակտերի հիման վրա ֆիզիկական անձանց նկատմամբ հանրային իրավական դրամական այն պահանջները, որոնք գերազանցում են հինգ հարյուր հազար դրամը: Նախագծերի ընդունմամբ կնվազեցվի Վարչական և Վերաքննիչ դատարանների դատավորների ծանրաբեռնվածությունը:

Կարեն Կարապետյանը հետաքրքրվել է Դատական նոր օրենսգիրքի, էլեկտրոնային հարթակի ներդրման ժամկետների վերաբերյալ: ՀՀ արդարադատության նախարար Դավիթ Հարությունյանը հայտնել է, որ Դատական նոր օրենսգրքի նախագիծը դրվել է շրջանառության մեջ, այդ թվում՝ տրամադրվել է նաև Փաստաբանական, Նոտարական պալատներին, դատավորներին:

«Ինչ վերաբերում է էլեկտրոնային հարթակներին, ապա պետք է նշեմ, որ դատական ոլորտում ներկայում գործում են էլեկտրոնային համակարգեր: Խնդիրը դրանք նոր մակարդակի հասցնելն է, որը բավական շատ դրամական միջոցներ է պահանջում: Այս պահին մենք մշակում ենք նոր տեխնիկական առաջադրանք, որից հետո ձեռնամուխ կլինենք միջոցներ հայթայթելուն»,-նշել է նախարարը:

Վարչապետն ավելացրել է, որ էլեկտրոնային հարթակների ստեղծումը համահունչ կլինի ներկայումս մշակվող թվային օրակարգի ռազմավարության տրամաբանությանը:

Սահմանադրությամբ որդեգրված նոր մոտեցումներին համահունչ օրենքը կնպաստի հանրաքվեի ինստիտուտի դերի և նշանակության բարձրացմանը

Հավանությանն է արժանացել նաև «Հանրաքվեի մասին» ՀՀ սահմանադրական օրենքի նախագծի վերաբերյալ կառավարության օրենսդրական նախաձեռնությունը: Նախագծի ընդունման դեպքում նախատեսվում է հստակ և համապարփակ կարգավորել ՀՀ սահմանադրության փոփոխությունների արդյունքում բարեփոխված հանրաքվեի ինստիտուտի կապակցությամբ սահմանադրորեն ամրագրված հարաբերությունները: Սահմանադրությամբ որդեգրված նոր մոտեցումներին համահունչ օրենքը կստեղծի հուսալի երաշխիքներ քաղաքացիական հասարակության ակտիվ մասնակցության և դերակատարության համար, ինչպես նաև կնպաստի հանրաքվեի ինստիտուտի դերի և նշանակության բարձրացմանը: Նախագծով հստակ կարգավորում են ստացել հանրաքվեի հասկացությունը և դրա անցկացման սկզբունքները, հանրաքվեի դրվող նախագծերը և այն նախագծերը, որոնք չեն կարող դրվել հանրաքվեի, հարցը հանրաքվեի դնելու կարգի, հանրաքվեի նշանակման, կազմակերպման, քարոզչության իրականացման և այլ հարցեր: Բացի այդ, նախագծով հստակ սահմանվել են հանրաքվեի դրվող հարցերի շրջանակը: Նախագծով ամրագրվել է նաև ռազմական կամ արտակարգ դրության ժամանակ հանրաքվե անցկացնելու արգելքը՝ անկախ ռազմական կամ արտակարգ դրությունն ընդգրկող տարածքի չափից:

Կառավարությունը առաջարկություններ է ներկայացրել «Լիցենզավորման մասին» ՀՀ օրենքում փոփոխություն կատարելու մասին» և «Պետական տուրքի մասին» ՀՀ օրենքում փոփոխություն կատարելու մասին» ՀՀ օրենքների նախագծերի փաթեթի, «ՀՀ հարկային օրենսգրքում լրացում կատարելու մասին», «ՀՀ քրեական օրենսգրքում լրացում կատարելու մասին» ՀՀ օրենքների նախագծերի վերաբերյալ:

ԱՆ կենտրոնական ապարատում կստեղծվի քաղաքացիների բողոքների և դիմումների արագ արձագանքման բաժին

ՀՀ առողջապահության նախարարության առջև դրված կանոնադրական գործառույթների առավել նպատակային, արդյունավետ իրականացման, աշխատանքների օպերատիվ կազմակերպման, կրկնվող գործառույթները բացառելու նպատակով կառավարությունն ընդունել է համապատասխան որոշում: ՀՀ վարչապետի համապատասխան հանձնարարականների հիման վրա ուսումնասիրվել են նախարարության աշխատակազմի կառուցվածքային և առանձնացված ստորաբաժանումների գործառույթների շրջանակը, դրանց համապատասխանությունը նախարարության` ՀՀ օրենսդրությամբ սահմանված նպատակներին և խնդիրներին: Ուսումնասիրությունների արդյունքում հիմնավորվել է նախարարության աշխատակազմի առանձին հաստիքների կրճատման անհրաժեշտությունը, ինչպես նաև նախարարության աշխատանքների առավել արդյունավետ կազմակերպման համար անհրաժեշտություն է առաջացել փոփոխություններ (ներառյալ նոր ստորաբաժանումներ ստեղծելու միջոցով) կատարել գործող կառուցվածքում: Մասնավորապես` նախատեսվում է նախարարության Արտաքին կապերի բաժինը վերակազմավորել Միջազգային հարաբերությունների վարչության: Ելնելով «Թեժ գիծ» ծառայության աշխատանքի կարևորությունից և հաշվի առնելով աշխատանքային ծանրաբեռնվածությունը՝ նախատեսվում է ՀՀ ԱՆ աշխատակազմի կառուցվածքում ստեղծել առանձին ստորաբաժանում: Այն հնարավորություն կտա ծառայության գործառույթներն իրականացնել ավելի արդյունավետ: Արդյունքում կկրճատվի 35 հաստիք և կխնայվի ավելի քան 86 մլն դրամ:

Կառավարությունն ընդունել է «Ն.Բ.Հակոբյանի անվան ընդհանուր հիգիենայի և մասնագիտական հիվանդությունների գիտահետազոտական ինստիտուտ» և «Ակադեմիկոս Ս. Ավդալբեկյանի անվան առողջապահության ազգային ինստիտուտ» ՓԲԸ-ները միացման ձևով վերակազմակերպելու մասին» որոշում: Արդյունքում ակնկալվում է առողջապահական համակարգում առկա ռեսուրսների առավել նպատակային օգտագործում և ՀՀ առողջապահության նախարարության ենթակայության կառույցների գործունեության օպտիմալացում: Արդյունքում կկրճատվի 11 հաստիք և կխնայվի 9 մլն դրամ:
«Պետական կենսաթոշակների մասին» ՀՀ օրենքում փոփոխություններ և լրացումներ կատարելու մասին» օրենքով պայմանավորված գործադիրը փոփոխություններ և լրացումներ է կատարել նախկինում ընդունած որոշումներից մեկում: Մասնավորապես՝ սահմանվել է, որ հոգեբուժական հաստատությունում բուժվող անձին կենսաթոշակ նշանակելու գրավոր դիմումը և անհրաժեշտ փաստաթղթերը կարող է ներկայացնել նաև այլ անձ, սխալմամբկենսաթոշակառուին ավելի վճարված կենսաթոշակի գումարները կարող են հետ գանձվել, եթե առկա է անձի գրավոր դիմումը, իսկ եթե բացակայում է անձի գրավոր համաձայնությունը, ապա այդ գումարները բռնագանձվում են դատական կարգով: Լուծում է տրվել նաև իրավակիրառական պրակտիկայում առաջացած մի շարք խնդիրների:

Պարզեցվում է ՀՀ ոստիկանության գործունեության ոլորտում իրականացվող վարչարարությունը

Գործող ընթացակարգը պարզեցնելու և քաղաքացիների համար բարենպաստ պայմաններ ստեղծելու նպատակով գործադիրը փոփոխություններ է կատարել նախկինում ընդունած որոշումներից մեկում: Որոշման համար հիմք է հանդիսացել ՀՀ վարչապետի համապատասխան հանձնարարականը: Մասնավորապես՝ նախատեսվում է ՀՀ ոստիկանության «Ճանապարհային ոստիկանության» ծառայության կողմից տրամադրվող՝ տրանսպորտային միջոցի վերասարքավորման թույլտվություն տալու, ինչպես նաև առանց թույլտվության վերասարքավորված տրանսպորտային միջոցների վերահաշվառման թույլտվություն տալու մասին որոշումները դիմումը ստանալու օրվանից մեկամսյա ժամկետի փոխարեն տրամադրել տասնօրյա ժամկետում:

Արտոնություն է տրամադրվել թեթև արդյունաբերության ոլորտի ներդրումային ծրագրի

Կառավարության որոշմամբ թույլատրվել է «Նանման» ՍՊԸ-ին օգտվել գերակա ոլորտում իրականացվող ներդրումային ծրագրի շրջանակում ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից ազատելու արտոնությունից: «Նանման» ՍՊԸ-ն գործում է թեթև արդյունաբերության բնագավառում: Ընկերությունը ծրագրի շրջանակում նախատեսվում է իրականացնել շուրջ 59.6 մլն ՀՀ դրամի ներդրում և ստեղծել 3 նոր աշխատատեղ՝ 78 000 ՀՀ դրամ միջին աշխատավարձով: Արտադրանքի ծավալները կկազմեն՝ մոտ 91 մլն ՀՀ դրամ, որից՝ մոտ 47 մլն ՀՀ դրամը կիրացվի ՀՀ-ում, մոտ 40 մլն ՀՀ դրամը՝ ԵԱՏՄ երկրներում, մոտ 4 մլն ՀՀ դրամը՝ ԵՄ երկրներում։

Կառավարությունը շարունակում է աջակցել բարձր առաջադիմություն ունեցող և մարտական գործողություններին մասնակցած ուսանողներին

Հայաստանի բարձրագույն ուսումնական հաստատությունների ուսանողների կրթական, սոցիալ-տնտեսական վիճակը բարելավելու նպատակով կառավարությունն ընդունել է համապատասխան որոշում: ՀՀ կրթության և գիտության նախարարությանը կհատկացվի 80 մլն դրամ՝ Հայաստանի երիտասարդական հիմնադրամին տրամադրելու համար: Գումարը հատկացվել է ՀՀ բարձրագույն ուսումնական հաստատությունների անվճար համակարգում չընդգրկված, բարձր առաջադիմություն և հասարակական ակտիվություն ունեցող առաջին կուրսի ուսանողներին կրթաթոշակների տրամադրման և 2016 թ. ապրիլի 2-6-ը ընկած ժամանակահատվածում ՀՀ զինված ուժերում մարտական հերթապահություն իրականացրած կամ մարտական գործողություններին մասնակցած ուսանողների ուսման վարձերի մասնակի փոխհատուցման նպատակով:
Կառավարությունը որոշել է Լոռու մարզի Վանաձորի Մարշալ Բաղրամյանի անվան N 26 հիմնական դպրոցը միացման ձևով վերակազմակերպել` միացնելով Վիդրոջենյա N 28 հիմնական դպրոցին: Հիմնավորման համաձայն, Մարշալ Բաղրամյանի անվան դպրոցում սովորում է 30 աշակերտ, իսկ Վիդրոջենյա հիմնական դպրոցը գործում է տիպային շենքային համալիրներում, թերբեռնված է, սեյսմակայուն է (կառուցվել է երկրաշարժից հետո) և ունի բավարար նյութատեխնիկական բազա: Արդյունքում կխնայվի 19 մլն դրամ:

 Այլ որոշումներ

Գործադիրը որոշել է Պետական գույքի կառավարման վարչության աշխատակազմին ամրացված ՀՀ սեփականություն հանդիսացող, Սյունիքի մարզի Տեղ համայնքի Ս. Բարխուդարյան փողոցում գտնվող անշարժ գույքերը նվիրաբերել Տեղ համայնքին Համայնքային զարգացման կենտրոն ստեղծելու և նախադպրոցական ուսումնական հաստատություն շահագործելու պայմանով:

Կառավարությունը փոփոխություններ է կատարել նախկինում ընդունած որոշման մեջ, ըստ որի նախատեսվել է Պռոշյանի համայնքում գտնվող հողամասերը վաճառել «Պ և Օ» ՓԲԸ-ին: Ընկերությունը պարտավորվել էր ապահովել ոչ պակաս, քան 1000 քառ. մետրի շինարարության կատարումը, սանիտարական դիսպանսերների և ձեռքի մաքրող սանիտարական հեղուկների արտադրության գործընթացը՝ շինարարության և կոմունիկացիոն ցանցի համար՝ անհրաժեշտ թույլտվություններն ստանալուց հետո: Փոփոխությամբ առաջարկվում է ամրագրել, որ ընկերությունը պետք է ոչ միայն ապահովի համապատասխան շինարարությունը, այլ նաև կառուցի գործարան: Բացի այդ, ամրագրվում է, որ պայմանագրով սահմանված ժամկետում և չափով ներդրումը չկատարելու և/կամ գործարանը չկառուցելու դեպքում երեք ամսվա ընթացքում տուգանք կվճարի ՀՀ պետբյուջե:

 


#կառավարություն  #Կարեն Կարապետյան 
Share
Class
Link
Plus
Send
Pin

Լրահոս
Ամենադիտված
Հայաստան-ԵՄ համաձայնագրի կնքում. ուղիղ
Այսօր 11:00
Բրյուսելում մեկնարկում է ԵՄ Արևելյան գործընկերության գագաթնաժողովը
Այսօր 10:45
ԵԺԿ-ն հորդորում է հարգել 1994-95թթ․ զինադադարի համաձայնագրերը
Այսօր 10:29
Սոորոնբայ Ժեենբեկովն ստանձնեց Ղրղզստանի նախագահի պաշտոնը
Այսօր 10:15
Երթևեկել ձմեռային անվադողերով
Այսօր 10:15
Բրյուսելում ԵԺԿ գագաթնաժողովին Սերժ Սարգսյանը հանդես է եկել ելույթով
Այսօր 10:00
Bloomberg. Հայաստանը կարող է ԵՄ օֆշորային երկրների սև ցուցակում հայտնվել
Այսօր 9:55
«Փաստ». Գագիկ Ծառուկյանն Արցախում զորամաս է կառուցելու
Այսօր 9:50
«Ժամանակ». Էդիկ Գրիգորյանի հարազատների վրա սպառնալիք է եղել
Այսօր 9:45
«Իրատես»-ի բամբասանքը Սեյրան Օհանյանի մասին
Այսօր 9:40
«ՉԻ». Գեղամյանը նախանձից կմեռնի
Այսօր 9:35
«Ժամանակ». Մեգաավանտյուրա
Այսօր 9:30
«Ժողովուրդ». Հայաստանում տուբերկուլյոզով հիվանդներին հարկադիր բուժման կուղարկեն
Այսօր 9:25
The Times. Պուտինը «յուրացրել է» ԻՊ-ի դեմ հաղթանակը Սիրիայում
Այսօր 9:20
«ՀԺ». Կարագը թանկացման ռե­կորդային աճ է գրանցում
Այսօր 9:15
«Հրապարակ». ՀՀ-ԵՄ հռչակագրի ձևակերպումը չի գոհացնի ո՛չ հայկական, ո՛չ ադրբեջանական կողմին
Այսօր 9:10
«ՉԻ». Բոլոր դեպքերում՝ կարևոր է
Այսօր 9:05
Աստղագուշակ. Նոյեմբերի 24
23/Նոյեմբեր/2017 - 23:00
Եղանակը Հայաստանում. Ջերմաստիճանը կնվազի
23/Նոյեմբեր/2017 - 22:30
Թրամփը՝ հնդկահավին. «Դրամստիք, Դուք ներված եք»
23/Նոյեմբեր/2017 - 22:00
ԿԲ. Թղթադրամների վերջնական տեսքը էապես տարբերվելու է էսքիզներից
23/Նոյեմբեր/2017 - 21:30
«Իմ երեխուն չեք կարող հետ բերել, բայց սպանողը պետք է պատասխան տա»
23/Նոյեմբեր/2017 - 21:00
Ջուր չի լինի
23/Նոյեմբեր/2017 - 20:30
«Մինչև ո՞ւր մենք կարող ենք այսպես գնալ»
23/Նոյեմբեր/2017 - 20:00
Հոսանքազրկում նոյեմբերի 24-ին
23/Նոյեմբեր/2017 - 19:30
Արդարադատության նախարարությունն արձագանքում է լրագրողական կազմակերպությունների հայտարարությանը
23/Նոյեմբեր/2017 - 19:12
ՀՔԾ. Վարույթ է ընդունվել կալանավորին խոշտանգելու դեպքի առթիվ հարուցված քրգործը
23/Նոյեմբեր/2017 - 19:02
Prada-ն Opera Pompidou-ի համար կոստյումներ է պատրաստել (լուսանկարներ)
23/Նոյեմբեր/2017 - 18:30
Նոյեմբերի 22-ին Երևանում ծնվել է 62 երեխա
23/Նոյեմբեր/2017 - 18:00
Քննարկվել է բազմաբնակարան շենքերից զվարճանքի ակումբները տեղափոխելու մասին օրենսդրական փաթեթը
23/Նոյեմբեր/2017 - 17:43
ՌԴ Պետդումայի նախագահը չեղարկել է այցը Ադրբեջան
23/Նոյեմբեր/2017 - 17:30
ՀԷՑ. Նվազագույնի կհասցվեն վթարային անջատումները
23/Նոյեմբեր/2017 - 17:00
ՖԻԴԵ-ի Գրան Պրի. Արոնյանը շարունակում է առաջատար մնալ
23/Նոյեմբեր/2017 - 16:30
Յոհաննես Հան. Աջակցում ենք Մինսկի խմբի համանախագահների ջանքերին
23/Նոյեմբեր/2017 - 16:28
ՆԱՏՕ-ում կոչ են արել խուսափել Լեռնային Ղարաբաղում էսկալացիայից
23/Նոյեմբեր/2017 - 16:00
Կառավարություն. վարչապետի հանձնարարականները
23/Նոյեմբեր/2017 - 15:30
ՀՀ պետական սահմանի մոտ ադրբեջանցի զինծառայողի դի է հայտնաբերվել
23/Նոյեմբեր/2017 - 15:30
Ջիգարխանյանի ընկերը հերքել է դերասանի հոսպիտալացման լուրը
23/Նոյեմբեր/2017 - 15:00
Էլինար Վարդանյան. Հայաստանում աշխատողների իրավունքների պաշտպանության լրջագույն խնդիր կա
23/Նոյեմբեր/2017 - 14:44
Քննարկում պապիլոմավիրուսի դեմ իրականացվող պատվաստումների թեմայով (տեսանյութ)
23/Նոյեմբեր/2017 - 14:15
Արամյան. Ցածր գնաճը խժռում է տնտեսական պոտենցիալը
23/Նոյեմբեր/2017 - 13:46
Վլադիմիր Կարապետյանը՝ Հայաստան-ԵՄ համագործակցության համաձայնագրի մասին
23/Նոյեմբեր/2017 - 13:30
Քոչարյան. Քանի դեռ Բաքվի դիրքորոշումը չի փոխվել, բանակցություններում առաջընթաց չի լինի
23/Նոյեմբեր/2017 - 13:00
Կարո Եղնուկյանը հրաժարվել է դեղորայքից և բուժօգնությունից
23/Նոյեմբեր/2017 - 12:45
ՀԲՃ-ն դիմում է վարչապետին. Անհրաժեշտ է վնասազերծել աղտոտվող տարածքները
23/Նոյեմբեր/2017 - 12:30
Իրավապաշտպան խմբերը կոչ են արել ԵՄ-ին ճնշում գործադրել Ադրբեջանի վրա
23/Նոյեմբեր/2017 - 12:16
Երկու ֆուտբոլիստ ազատվեց պարտադիր զինծառայությունից
23/Նոյեմբեր/2017 - 12:00
Miu Miu, գարուն-ամառ 2018 (լուսանկարներ)
23/Նոյեմբեր/2017 - 11:44
Ազգային ժողովի արտահերթ նիստ կգումարվի
23/Նոյեմբեր/2017 - 11:30
Վարչապետ. Մեր վերջնական նպատակն է՝ հայկական գինին միջազգային ճանաչելի բրենդ դարձնել
23/Նոյեմբեր/2017 - 11:30
Բաբայան. ՀՀ-ԵՄ համաձայնագրի ստորագրումը կնպաստի Արցախի տնտեսական զարգացմանը
23/Նոյեմբեր/2017 - 11:15
Երեք երկրների նախագահները սիրիական հարցով համատեղ հայտարարություն են ընդունել
23/Նոյեմբեր/2017 - 11:01
Նավթի համաշխարհային գները նվազում են
23/Նոյեմբեր/2017 - 10:45
Սերժ Սարգսյանը մեկնում է Բելգիա
23/Նոյեմբեր/2017 - 10:30
Ջիգարխանյանը ծանր վիճակում տեղափոխվել է հիվանդանոց
23/Նոյեմբեր/2017 - 10:16
Ռատկո Մլադիչը դատապարտվեց ցմահ ազատազրկման
23/Նոյեմբեր/2017 - 10:00
«Հրապարակ». Սերգեյ Մարկով. Ներողություն խնդրած չինովնիկները չեն արտահայտում ռուս ժողովրդի կարծիքը
23/Նոյեմբեր/2017 - 9:55
«Ժողովուրդ». Տարոն Մարգարյանը շնորհակալություն է հայտնել ընտրություններում իր օգտին աշխատելու համար
23/Նոյեմբեր/2017 - 9:50
Օրվա բաղադրատոմսը. Կարմիր լոբով և ընկույզով ապուր
23/Նոյեմբեր/2017 - 9:45
«168 ժամ». Արմեն Ռուստամյան. Հստակ ուղերձ՝ Լավրովի շուրթերով
23/Նոյեմբեր/2017 - 9:40
«ՀԺ». Աշոտյան «Ֆաշիստ»
23/Նոյեմբեր/2017 - 9:35
Կարեն Կարապետյանն ընդունել է ԻԻՀ նավթի նախարարի տեղակալին
23/Նոյեմբեր/2017 - 9:30
«Ժողովուրդ». ՀՀ-ԵՄ համաձայնագրի ստորագրումը հնարավոր է հետաձգվի մեկ օրով
23/Նոյեմբեր/2017 - 9:25
«Փաստ». Զարուհի Փոստանջյանը թռավ Ամերիկա՝ միտինգի
23/Նոյեմբեր/2017 - 9:20
«Հրապարակ». Առաջին փոխվարչապետի ինստիտուտ չի լինի
23/Նոյեմբեր/2017 - 9:15
«168 ժամ». Ադրբեջանը տապալում է Լավրովի ծրագիրը
23/Նոյեմբեր/2017 - 9:10
«Ժամանակ». ՀՀ-ԵՄ համաձայնագիրը կստորագրվի. Սերժ Սարգսյանը հանդես կգա հատուկ կարծիքով
23/Նոյեմբեր/2017 - 9:05
ԱԻՆ. Ձյուն, մառախուղ, մերկասառույց
23/Նոյեմբեր/2017 - 8:59
Թբիլիսիում ավարտվեց հակաահաբեկչական գործողությունը. razm.info (տեսանյութ)
22/Նոյեմբեր/2017 - 23:25
Աստղագուշակ. Նոյեմբերի 23
22/Նոյեմբեր/2017 - 23:00
Եղանակը Հայստանում. Տեղումներ են սպասվում
22/Նոյեմբեր/2017 - 22:30
23 մլն դրամ՝ պաշտոնական տեղեկագրերի տպագրությանը
22/Նոյեմբեր/2017 - 22:00
Հոսանքազրկում նոյեմբերի 23-ին
22/Նոյեմբեր/2017 - 21:30
Հրանտ Մաթևոսյանի կառուցվող թանգարանի երրորդ հարկն անհետացել է․ Դավիթ Մաթևոսյան
22/Նոյեմբեր/2017 - 21:00
Գայանե Ավագյան. Սեռական առաջին հարաբերության ժամանակ 80 տոկոսը վարակվում է պապիլոմա վիրուսով
22/Նոյեմբեր/2017 - 20:29
«ՉԻ». Նորից՝ տարկետման մասին
22/Նոյեմբեր/2017 - 19:59
Շրջանառության մեջ են դրվել «Նոյյան տապան» ՀՀ հավաքորդական թղթադրամները (լուսանկարներ)
22/Նոյեմբեր/2017 - 19:30
Նոյեմբերի 21-ին Երևանում ծնվել է 76 երեխա
22/Նոյեմբեր/2017 - 19:15
«Ազատ խոսք». Մոնումենտում ուրիշ դղյակ չկա՞
14/Նոյեմբեր/2017 - 17:59
Գայանե Ավագյան. Սեռական առաջին հարաբերության ժամանակ 80 տոկոսը վարակվում է պապիլոմա վիրուսով
22/Նոյեմբեր/2017 - 20:29
Չծառայած մեդալակիր իշխանավորների ցուցակ
17/Նոյեմբեր/2017 - 11:30
«Ազատ խոսք». Փաստերը ճիշտ են, թիրախը՝ սխալ
17/Նոյեմբեր/2017 - 18:00
Ռուսական հեռուստաալիքը ՀՀԿ-ի խորհրդանիշը համեմատել է հիտլերյան Գերմանիայի զինանշանի հետ (տեսանյութ)...
20/Նոյեմբեր/2017 - 11:15
«Ազատ խոսք». Վանաձորյան սինդրոմը՝ ՀՀԿ հարատև երջանկության երաշխիք
21/Նոյեմբեր/2017 - 18:00
Արմեն Ջիգարխանյանի որդու աղմկահարույց հայտարարությունը (տեսանյութ)
19/Նոյեմբեր/2017 - 23:18
Սերժ Սարգսյանը վառոդի տակառի վրա
18/Նոյեմբեր/2017 - 20:00
Այսօր Որդիների օրն է
22/Նոյեմբեր/2017 - 10:10
Թե ինչպես Հեղինե Բիշարյանը անբարոյական հանեց Հեղինե Բիշարյանին (տեսանյութ)
19/Նոյեմբեր/2017 - 22:30
«ՉԻ». «Առինջ մոլի » լույսն ու ստվերը
17/Նոյեմբեր/2017 - 9:05
Սրանց փրկել այլևս չի լինի
20/Նոյեմբեր/2017 - 20:29
Թբիլիսիիում հատուկ գործողություն է ընթանում․ շրջապատված ահաբեկիչները կրակում են razm.info (տեսանյութ...
22/Նոյեմբեր/2017 - 12:48
Աստղագուշակ. Նոյեմբերի 19
18/Նոյեմբեր/2017 - 23:00
Շարմազանովը տեղ-տեղ հիշել է Տեր-Պետրոսյանին
15/Նոյեմբեր/2017 - 20:00
Աստղագուշակ. Նոյեմբերի 20
19/Նոյեմբեր/2017 - 23:00
Սարգսյան. Շնորհակալություն, շնորհակալություն Վլադիմի՛ր Վլադիմիրովիչ
15/Նոյեմբեր/2017 - 22:45
Facebook-ի օգտատերերն այլևս չեն կարող ջնջել իրենց գրառումները
20/Նոյեմբեր/2017 - 10:01
Հերմինե Նաղդալյանի ունեցվածքը. հայտարարագիրը և իրականությունը
19/Նոյեմբեր/2017 - 20:30
Աստղագուշակ. Նոյեմբերի 21
20/Նոյեմբեր/2017 - 23:00

Այս թեմայով