loader
Քոչարյանի գրասենյակը պատասխանում է դաշնակների բառամթեքով

Քոչարյանի գրասենյակը պատասխանում է դաշնակների բառամթեքով

Այսօրվա միջադեպը եկավ հաստատելու, որ իշխանությունները ունակ են քաղաքական հետապնդումներ իրականացնել ընդդիմախոսների նկատմամբ, հատկապես նրանց, ում քաղաքական կշիռն ու հեռանկարները իրենց համար լուրջ անհանգստությունների առիթ են հանդիսանում։ Այս մասին ասվում է ՀՀ 2-րդ նախագահ Ռոբերտ Քոչարյանի գրասենյակի տարածած հայտարարության մեջ։ 

Հայտարարության մեջ, մասնավորապես, նշված է.

«Ինչպես գիտեք, այսօր՝ ժամը 12:00, «Էրեբունի-Պլազա» բիզնես-կենտրոնում պետք է կայանար ՀՀ 2-րդ նախագահ Ռոբերտ Քոչարյանի ասուլիսը, որին հրավիր­ված էին հայաստանյան բոլոր ԶԼՄ-ները:  

Ակնկալվում էր, որ ասուլիսի ընթացքում պետք է արվեին կարևոր քաղաքական հայտարարություններ և տրվեին բազմաթիվ հարցերի պատասխան­ներ: Սակայն մի խումբ մարդիկ, ովքեր հանրությանը քաջա­ծա­նոթ են որպես մերձիշխանա­կան ակտիվիստներ և Նիկոլ Փաշինյանի մտերիմներ ու զինակիցներ, խանգարեցին դրա անցկացմանը և տեսախցիկների առաջ էժանագին բեմականացում խաղարկեցին` ներկայա­նա­լով որպես «զայրացած ժողովուրդ»:

 Սո­ցիա­­լա­կան ցանցերում ու մամուլում արդեն հայտ­նվել են հիմնական «դերասան­ների» անունները, և նրանց ով լինելը տեղի ունեցածի պատվիրատուի մասով  որևէ կասկած չի թողնում: 

Այսօրվա` լավ ծրագրավորված ու կազմակերպված միջադեպը կարելի էր գնահատել որպես մանր խուլիգանություն և մեծ ուշադրություն չդարձնել դրան: Պարզ է, որ նախագահ Ռոբերտ Քոչարյանը, այսպես թե այնպես, նոր ասուլիսի կամ հարցա­զրույցի միջոցով կհրապարակի իր տեսակետները քաղաքական ամենաարդիական հարցե­րի վերաբերյալ:

Սակայն, հարկ ենք համարում շեշտել, որ տեղի ունեցածն, ըստ էու­թյան, իշխանության կողմից արված ճարահատյալ ու կոպիտ մի փորձ էր խոչընդոտելու քաղաքական ընդդիմախոսների ազատ արտահայտվելու և հանրու­թյան հետ լրատվամիջոցների օգնությամբ շփվելու հնարավորությունը: Սա ոչ այլ ինչ է, քան այլախոհության բիրտ ճնշում, կամ ինչպես վերջերս ասել էր հայտնի քաղաքական գործիչներից մեկը` մտքի տեռոր: 

Այսօրվա միջադեպը կարծես եկավ հաստատելու քաղաքական դաշտում և հանրության շրջանում օրըստօրե ուժգնացող այն մտավախությունները, որ նոր իշխանությունները չեն հանդուրժում այլախոհու­թյունը և ունակ են քաղաքական հետապնդումներ իրականացնել ընդդիմախոսների նկատմամբ, հատկապես նրանց, ում քաղաքական կշիռն ու հեռանկարները իրենց համար լուրջ անհանգստությունների առիթ են հանդիսանում»: 

Հ.Գ. Այսօր «Էրեբունի-Պլազա» բիզնես-կենտրոնի առջև հավաքվել էին «Պրիվետ Ռոբ» կարգախոսով բողոքի ակցիա իրականացնող ակտիվիստներ: Սկզբում նրանց անվտանգության աշխատակիցները չթույլատրեցին մտնել ներս, սակայն որոշ ժամանակ անց բողոքի ակցիայի մասնակիցները կարողացան շենք մուտք գործել: Նրանք մամուլի սրահում, որտեղ տեղի էր ունենալու Ռոբերտ Քոչարյանի ասուլիսը, հայտարարությամբ հանդես եկան, այնուհետև լքեցին շենքը: Այդ ժամանակ ՀՀ երկրորդ նախագահը փախավ «Էրեբունի-Պլազա» բիզնես-կենտրոնից: Այսպիսով ասուլիսը տապալվեց, և Քոչարյանը չպատասխանեց ո՛չ ակցիայի մասնակիցների հարցերին, ո՛չ էլ մամուլի սրահում սպասող լրագրողների հարցերին:

 

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս