loader
Հայաստան է ժամանում Ֆրանսիայի արտգործնախարարը

Հայաստան է ժամանում Ֆրանսիայի արտգործնախարարը

Հայաստանի նոր իշխանությունների հետ բանակցելու նպատակով առաջիկա երկուշաբթի Երևան է ժամանելու Ֆրանսիայի արտգործնախարար Ժան-Իվ Լը Դրիանը: Այս մասին այսօր «Ազատությանն» ասաց Հայաստանում Ֆրանսիայի արտակարգ և լիազոր դեսպան Ժոնաթան Լաքոթը։ Նա հայտարարեց նաև, որ Ֆրանսիան ակնկալում է համագործակցել Հայաստանի նոր իշխանությունների հետ։

«Ինչպես գիտեք՝ հայ-ֆրանսիական հարաբերությունները միշտ էլ հիանալի են եղել: Ֆրանսիայի արտգործնախարարը ժամանում է Հայաստան՝ քննարկելու համագործակցության նոր ուղղությունները: Հատկապես կարևոր է այս աշնանը Երևանում Ֆրանկոֆոնիայի գագաթնաժողովի անցկացման հարցը»,- ասաց դեսպանը:

Նա նշեց, որ Ֆրանսիայի արտգործնախարարը հանդիպումներ կունենա Հայաստանի նախագահ Արմեն Սարգսյանի, վարչապետ Նիկոլ Փաշինյանի, արտգործնախարար Զոհրաբ Մնացականյանի հետ։ Ժան-Իվ Լը Դրիանը մասնակցելու է նաև այդ օրերին Հայաստանում անցկացվելիք՝ առաջին հանրապետության հռչակման օրվա տոնակատարություններին։

 

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս