loader
29-ամյա երիտասարդը դանակահարել է գազալցակայանի աշխատակցին

29-ամյա երիտասարդը դանակահարել է գազալցակայանի աշխատակցին

Հուլիսի 11-ին` ժամը 07.50-ին, ոստիկանության Վաղարշապատի բաժնում հիվանդանոցից հաղորդում ստացվեց, որ «կրծքավանդակի աջ կեսի հետին մակերեսի կտրած-ծակած վերքեր՝ կրծքավանդակ թափանցող, թոքի վնասում, աջից ստոծանու վնասումով թափանցող որովայնի խոռոչ, լյարդի աջ բլթի վնասում, հեմոռագիկ շոկ 4-րդ աստիճանի, գլխի մազածածկ շրջանի վերքեր» ախտորոշմանբ իրենց մոտ բուժօգնության է ընդունվել մի քաղաքացի։

Մեկնած օպերատիվ խումբը պարզել է, որ տուժողը Աշտարակի խճուղում գործող գազալցակայաններից մեկի աշխատակից է։ 

Պարզվել է նաև, որ հուլիսի 11-ին՝ ժամը 07.00-ի սահմաններում, անհայտ անձը մոտեցել է գազալցակայանի աշխատակիցներին, կենցաղային հարցերի շուրջ վիճել նրանց հետ, որի ընթացքում մոտը եղած դանակով հարվածել է գազալցակայանի մեխանիկին՝ պատճառել վերոնշյալ վնասվածքները, ու դիմել փախուստի: 

Ձեռնարկված անհետաձգելի օպերատիվ-հետախուզական միջոցառումների շնորհիվ պարզվել է, որ դանակահարողը երևանցի, 29-ամյա Անդրանիկ Հ.-ն է, որը հայտնաբերվել և բերման է ենթարկվել ոստիկանություն։

Ըստ բժշկի տեղեկանքի, տուժողը ի վիճակի չի եղել կատարվածի վերաբերյալ հաղորդում տալու։

Անդրանիկ Հ.-ն ձերբակալվել է:

Նախապատրաստված նյութերն ուղարկվել է Վաղարշապատի քննչական բաժին:

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս