loader
Առկա են կասկածներ, որ գումարները մուտք չեն եղել բարեգործական հիմնադրամ կամ ծախսվել են ոչ նպատակային. ՀՔԾ-ն՝ «Գեներալ Մանվել Գրիգորյան» հիմնադրամի մասին

Առկա են կասկածներ, որ գումարները մուտք չեն եղել բարեգործական հիմնադրամ կամ ծախսվել են ոչ նպատակային. ՀՔԾ-ն՝ «Գեներալ Մանվել Գրիգորյան» հիմնադրամի մասին

ՀՀ ԱԺ պատգամավոր, ԵԿՄ նախագահ Մանվել Գրիգորյանի վերաբերյալ ՀՀ հատուկ քննչական ծառայությունում քննվող քրեական գործով պարզվել է, որ 12.02.2013թ.-ին Մանվել Գրիգորյանի կողմից ստեղծվել է «Գեներալ Մանվել Գրիգորյան» բարեգործական հիմնադրամը, որին տարբեր քաղաքացիներ և կազմակերպություններ ինչպես կանխիկ, այնպես էլ բանկային փոխանցման եղանակով հատկացրել են տարբեր չափերի գումարներ: Այս մասին տեղեկացնում են ՀՔԾ մամուլի ծառայությունից:

Քրեական գործով առկա են կասկածներ, որ հնարավոր է` նշված գումարները մուտք չեն եղել բարեգործական հիմնադրամ կամ հետագայում ծախսվել են ոչ նպատակային: Խնդրում ենք բոլոր այն քաղաքացիներին և կազմակերպություններին, որոնք կանխիկ կամ փոխանցումով գումարներ են հատկացրել նշված հիմնադրամին, դիմել ՀՀ հատուկ քննչական ծառայություն հետևյալ հասցեով` ք. Երևան, Վ.Վաղարշյան 13ա, հեռ.` (+374) 11 900 008:

Նախաքննությունը շարունակվում է:

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս