loader
ԵԱՀԿ/ԺՀՄԻԳ տնօրենը կոչ է արել ՀՀ իշխանություններին

ԵԱՀԿ/ԺՀՄԻԳ տնօրենը կոչ է արել ՀՀ իշխանություններին

ԵԱՀԿ Ժողովրդավարական հաստատությունների եւ մարդու իրավունքների գրասենյակի (ԵԱՀԿ/ԺՀՄԻԳ) ղեկավար Ինգիբյորգ Սյոլրուն Գիսլադյոտիրը երկրում շարունակվող ցույցերի ֆոնին կոչ է արել Հայաստանի իշխանություններին պաշտպանել եւ ապահովել խաղաղ հավաքների իրավունքը։

ԵԱՀԿ Ժողովրդական հաստատությունների ու մարդու իրավունքների (ԺՀՄԻԳ) գրասենյակի տնօրեն Ինգիբյորգ Սյոլրուն Գիսլադյոտիրը կոչ է արել Հայաստանի իշխանություններին պաշտպանել և ապահովել խաղաղ հավաքների իրավունքը Հայաստանում, մինչ բողոքի ցույցերը շարունակվում են:

«Բոլոր մարդիկ հիմնարար իրավունք ունեն խաղաղ հավաքների միջոցով արտահայտել իրենց կարծիքը», - ասել է ԺՀՄԻԳ տնօրենը:

 «Իրավապահները ոչ միայն պետք է ձեռնպահ մնան խաղաղ հավաքների իրավունքին խոչընդոտելուց, բայց նաև պարտավոր են ապահովել այդ իրավունքի իրացումը: Սա ներառում է հավաքի մասնակիցների պաշտպանությունը ցանկացած միջամտությունից, այդ թվում սադրիչներից և հակացուցարարներից»:

Ընդգծելով, որ Հայաստանի իշխանությունները ընդդիմությանը երկխոսության կոչ են արել, Գիսլադյոտիրը մտահոգություն է հայտնել ոստիկանության կողմից խաղաղ ցուցարարների, այդ թվում անչափահասների նկատմամբ «անհամաչափ ուժի» գործադրման մասին տեղեկությունների կապակցությամբ:

«Իշխանությունները պետք է այնպես անեն, որ հասարակական կարգը պահպանելուն ուղղված քայլերը համապատասխանում են օրենքի տառին, անհրաժեշտ են և համարժեք, և ուղղված չեն իրենց ընդդիմախոսներին լռեցնելուն», -  ասել է ԺՀՄԻԳ տնօրենը:

 

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս