loader
«Առավոտ». Ալեքսան Հակոբյան․ Մութ ու ցուրտ տարիների շահարկումը թուրքերի և ադրբեջանցիների քարոզչություն է

«Առավոտ». Ալեքսան Հակոբյան․ Մութ ու ցուրտ տարիների շահարկումը թուրքերի և ադրբեջանցիների քարոզչություն է

Ալեքսան Հակոբյանը թուրքերի և ադրբեջանցիների քարոզչություն է համարում մութ ու ցուրտ տարիների շահարկումը

Ղարաբաղյան շարժման մասին երբ խոսում են, մարդիկ անմիջապես հիշեցնում են թալանը, մութ ու ցուրտ տարիները: «Ղարաբաղ» կոմիտեի անդամ Ալեքսան Հա­կոբյանն «Առավոտի» հետ զրույցում ասաց, որ ովքեր մութ ու ցուրտ տարիներն են հիշում՝ իրենք ընդամենը խաբված են այն քարոզչությանը, որը կազմակերպված ձևով տարվել է. 

«Բոլորը չեն հիշում դա որպես մութ ու ցուրտ տարիներ, շատ շատերը այդ տարիները համա­րում են հերոսական տարիներ, և նրանք ճիշտ են: Ովքեր համա­րում են մութ ու ցուրտ տարիներ, իրենց գործն է: Քարոզչություն տարվեց շատ անազնիվ ձևով, անարդար ձևով, անհիմն, բայց տարվեց: Թուրքերն են այդ քա­րոզչությունն անում, ադրբեջան­ցիներն են անում մեր շարժման արդյունքների հասցեին, և դա արել են ու շարունակում են անել Հայաստանի ինչ-ինչ ուժեր: Եթե ժողովրդի մեջ կա մի խավ, որը հավատում է դրան ու տրվում է, դա իր գործն է»:

Հարցին՝ 30 տարի անց վերլու­ծելով շարժման տարբեր դրվագ­ներ՝ եղե՞լ են արդյոք սխալներ, ստվերոտ կողմեր, որոնք կուզենայիք, որ չլինեին, Ալեքսան Հա­կոբյանը պատասխանեց.

 «Առա­ջին 3 տարվա աշխատանքի ժամանակ 2 սխալ եմ տեսել։ Մեկը համարում եմ էկոլոգիական հարցերում մեր, այնուամենայնիվ, ոչ չափավորությունը, ավելին ենք փորձել անել, քան թե անհ­րաժեշտ էր, և դրա պատճառով վնասներ ենք կրել, երկրորդը այն էր, որ 88-ին մենք՝ «Ղարաբաղ» կոմիտեն, չզբաղվեց Հյուսիսային Արցախի պաշտպանության հար­ցերով, մենք դա թողեցինք ուրիշ­ների վրա՝ Ղարաբաղի մեր ըն­կերների վրա, բայց հետո պարզ­վեց, որ դա շատ քիչ է: Հետո արդեն՝ բանտից հետո, 89-ից հետո, մենք ենք զբաղվել, և տարբերությունը շատ մեծ է եղել, իսկ 88-ի վերջին փաստորեն մենք Հյուսիսային Արցախի հայու­թյունը կորցրինք, ինձ համար ամենացավալի բանն էր: Դա՝ շարժման տարիներին, իսկ մնա­ցած հարցերում, իմ կարծիքով, մենք ճիշտ ենք եղել: Մենք ճիշտ լուծումներ ենք տվել և հասել ենք դրանց իրականացմանը: Ինչ վե­րաբերում է հետագա տարիներին պետության կառուցմանը՝ պատե­րազմի շրջան, պետության կա­ռուցման շրջան, ես այդտեղ մեծ սխալներ չեմ տեսնում: Վատ քա­րոզչությամբ ներկայացնում են ոչ դրական լույսի տակ»:

Մենք փոխանցեցինք՝ այսօրվա իշխանություններն ասում են՝ պետության հիմքը սխալ է դրվել: Մասնավորապես, ՀՀԿ խմբակցության ղեկավար Վահրամ Բաղդասարյանն ասել է, որ եթե այսօր ավազակապետություն է, այդ պետության հիմքն է այդպես դրվել, իսկ իրենք մաքրելով գնում են:

Ալեքսան Հակոբյանը արձա­գանքեց կոշտ.

 «Ես իշխանու­թյունների բերանից չեմ լսել, գլուխները պատի՜ն են տվել, ով­քեր այդպես են ասում, ընդհա­կառակը՝ հիմքերը շատ ճիշտ են դրվել ու շատ լավ են դրվել: Դա ասում են ադրբեջանցիները, թուրքերը, ռուսների որոշ խավեր շարունակում են այդ բանն ասել և ասում են նաև նրանք, ովքեր այդ քարոզչությունն են վարում: Դա սուտ է, անարդար է, անազ­նիվ է»:

Ալեքսան Հակոբյանը, խոսելով շարժմանը հաջորդած գործըն­թացների և արդյունքների մասին, ասաց, որ այդ տարիները պատերազմի հաղթանակի, տն­տեսության վերականգնման տա­րիներ էին:

«Հանրապետություն» կուսակցու­թյան նախագահ, «Ելք» խմբակցության պատգամավոր Արամ Սարգսյանը մեզ հետ զրույցում խոսելով շարժման և սխալների մասին՝ ասել էր, որ «ունեցանք թերություններ տնտեսության բնագավառում, կարող էինք ավե­լի լավ ապրել, շտապեցինք սեփականաշնորհման բնագավա­ռում, կարող էինք դանդաղ անել, բայց քաղաքական խնդիր կար, պիտի աշխարհին ցույց տայինք, որ մենք առաջադեմ ենք, որ մեզ օժանդակեն»:

 Ալեքսան Հակոբյա­նը չհամաձայնեց. 

«Ես կարծում եմ, որ սեփականաշնորհման գործընթացն արվել է իդեալա­կան ձևով: Սեփականաշնորհման գործընթացից դժգոհ էին նրանք, ովքեր այդ գործընթա­ցում փորձում էին իրենց շատ վերցնել՝ ավելի, քան նախատես­ված էր: ես չեմ լսել՝ Արամ Սարգսյանն ինչ է ասել։ Մենք պարտավոր էինք շտապել, այդ շտապելու ընթացքում էլ մենք արել ենք իդեալական ձևով: Ե՛վ հողի սեփականաշնորհումը, և՛ արդյունաբերության սեփականաշնորհումը մենք արել ենք իդե­ալական ձևով: Արել ենք պատե­րազմին զուգընթաց, արել ենք՝ հաշվի առնելով նաև, որ ցան­կացած փոքրիկ թերությունը կբե­րի նրան, որ ժողովուրդը չի կոռվի, մենակ մենք ու հերոսները չենք, որ կռվում ենք, ամբողջ ժո­ղովուրդն է կռվում: Ժողովուրդն այդ տարիներին կարող էր կռվեք եթե տեսներ, որ այդ սեփակա­նաշնորհման ծանրագույն գոր­ծընթացն ընթանում է մաքսիմալ արդարացի ձևով, և այդպես արդարացի էլ արվել է: Հետա­գայում ովքեր որ դժգոհում են, դա իրենց գործն է: Դա սուտ դժգոհություն է, դա այն մարդկանց դժգոհությունն է, ովքեր վատա­նում են նրանից, որ, այսպես ասած, իրենց շատ չեն վերցրել, չեն կարողացել վերցնել: Հիմնա­կանում այդ խավերն են, որ դժ­գոհում են, բայց այդ խավերը չեն, որ որոշում են ազգային կարևորագույն խնդիրներ: Դա ժո­ղովրդի այն խավն է, որ հա, ին­քը պետք է ապրի իր համար, դա նորմալ է: Ժողովուրդն ամ­բողջությամբ չի կարող հերոս լի­նել, բայց հերոսները պարտավոր են ամբողջ ժողովրդին վերաբե­րող քայլերն անել մաքսիմալ ար­դարությամբ և մաքսիմալ արդյունավետությամբ: Սեփականաշնորհման գործընթացը ես շատ կարևորում եմ: Մենք արել ենք դա իդեալական ձևով»: 

Ամբողջական՝ թերթի օրվա համարում

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս