loader
«Հրապարակ». Արթուր Վանեցյան. Ես իմ համար իմ գործն եմ անում

«Հրապարակ». Արթուր Վանեցյան. Ես իմ համար իմ գործն եմ անում

Հարցազրույց ԱԱԾ տնօրեն Արթուր Վանեցյանի հետ։

- Հիմա համարում եք, որ Խաչատուրովի նկատմամբ այս փուլում, այս իրավիճակում քրեական հետապնդում իրականացնելն այն­քան էլ ճիշտ չէր և չէր բխում մեր պետության շահերից: Դուք այդ հա­մոզմունքն ունե՞ք:

- Եկեք ես էդ հարցին չպատաս­խանեմ, չմեկնաբանեմ, որովհետև քննությունը գնում է, այլ մարմին է քննությունն իրականացնում, թող գնահատականն այլ մարմինը տա:

Պարզապես տպավորություն է, որ քաղաքական ամբիցիաներից ելնելով՝ ոմանք, այդ թվում՝ երկրի բարձրագույն ղեկավարությունը, որոշում է ձերբակալություններ անել, իսկ Դուք ավելի շատ պետու­թյան դիրքերից եք փորձում հարցին նայել:

- Ոչ, բարձրագույն ղեկավարու­թյունը նման խնդիր չի դրել, բարձ­րագույն ղեկավարությունն իմ առջև դրել է խնդիր՝ լինել օբյեկտիվ, որ­պեսզի դատարանների վրա չազդի որևէ մեկը, թե գործող իշխանու­թյուններից, թե նախկինները:

- Դուք, Վալերի Օսիպյանն ու Սասուն Խաչատրյանն այսօր հա­մարվում եք իրավապահ համա­կարգի թերևս ամենակարևոր դերակատարները, և դուք Երեքով այսօր...

- Ես՝ չէ, Օսիպյանն ու Խաչատրյա­նը համարվում են ամենակարևորը, ես իմ համար իմ գործն եմ անում:

- Ձեզ դո՞ւր է գալիս նրանց աշ­խատանքը, ինչպես եք գնահատում նրանց աշխատաոճը:

- Ես չեմ կարող գնահատական տալ և չեմ կարող այլ բաներ ասել: Դա՝ առանց մեկնաբանության:

- Պարոն Վանեցյան, տնտեսա­կան հանցագործությունները շատ են, կամ դրանց ռիսկը մեծ է այսօր, այդ թվում՝ մոնոպոլիաների հար­ցում:

- Այսօր Հայաստանում մոնոպո­լիաներ չկան: Այսինքն՝ մոնոպոլիան գիտեք ինչ է, չկա մի անձ, մի քաղա­քացի, որն ուզի ներկրել ապրանք կամ զբաղվի ինչ-որ մի տնտեսական գործունեությամբ, և նրա առջև լինեն արհեստական խոչընդոտներ: Խոչընդոտները կարող են լինել դեմպինգով: Իսկ դեմպինգը, ներո­ղություն, իմ գործը չէ: Դրա համար գոյություն ունի ՏՄՊՊՀ, որը պետք է դրանով զբաղվի: Եթե ես դեմպինգի հարցերն էլ վերցնեմ ու սկսեմ դրա­նով զբաղվել, կարող ենք իմ հիմ­նարկի անունը փոխենք դարձնենք՝ ամեն ինչի հիմնարկ, ու պրծնենք։

- Ձեր՝ գրեթե «ամեն ինչի հիմ­նարկում», ասում են, բազմաթիվ թղթապանակներ են դարսված, որոնք հերթով բացում ու զբաղվում եք այդ գործերով: Մյուս կողմից՝ հեղափոխությունից հետո, ասում են, շատացել են քաղաքացիների զանգերն ԱԱԾ, մարդիկ հանցա­գործությունների մասին հաղոր­դումներ են տալիս: Սա ինչպե՞ս եք գնահատում, դրանց ո՞ր մասն է ջուր, որ մասն է լուրջ:

- Տեսեք, մեգ դիմում են տա­րաբնույթ հարցերով, անգամ մեկը մյուսից 200 դոլար պարտքով փող է վերցրել ու չի կարողանում վերա­դարձնել, գալիս դիմում են ու ասում են՝ էդ հարցը լուծի:

- Դա նորմա՞լ եք համարում, քանզի այնպիսի մթնոլորտ է ձևավորվել, որ կարծես 37 թիվը լինի՝ բոլորը բոլորի վրա «գործ են տա­լիս»:

- Ոչ, շատ վատ եմ համարում: Բայց Դուք տեսել եք մեր հավա­սարակշռված մոտեցումը: Երևի պիտի նկատած լինեիք, էլի: Ես, որ միշտ ասում եմ՝ պետք չէ մարդ­կանց նստեցնել, պետք չէ մարդ­կանց նկատմամբ անտեղի քրեական հետապնդում իրականացնել, ընդհա­կառակը, պետք է հանդարտեցնել, հանգստացնել, որ մթնոլորտը լինի խաղաղ, և մարդիկ կարողանան աշխատել, արարել, ստեղծել: Իմ խնդիրը դա է:

- Բայց հակառակի մասին են վկայում տեղեկությունները, մա­մուլի հրապարակումները, որ մարդկանց կանչում ասում են՝ այսինչ անձի դեմ ցուցմունք տուր, քեզ ձեռք չենք տա:

- Տեսեք, ես միշտ ասել եմ, որ հրապարակային եմ... չկա նման բան: Ես ողջ իրավապահ համակար­գի համար չեմ ուզում պատասխա­նատվություն կրել և պատասխան տալ: Իսկ մեզ մոտ առհասարակ նման բան չկա:

- Գուցե ԱԱԾ-ում՝ չէ, բայց ՀՔԾ- ում է, ոստիկանությունում, Քննչա­կան կոմիտեում, որ նույն Քոչարյանի հետ կապ ունեցող անձանց կանչում են, ասում՝ ցուցմունք տուր Քոչարյանի կամ մեկ ուրիշի վրա, ու քո գործը փակենք:

- Մեզ մոտ առհասարակ նման բան չկա: Թող էդ մարդկանց, ում կանչում են, որ գան ցուցմունք տան, կոչ եմ անում, թող գան դիմեն Ազգա­յին անվտանգության ծառայությանը, և խոստանում եմ, որ համապատաս­խան միջոցներ կիրականացվեն այն կառույցների նկատմամբ, որոնք նման գործելաոճ են որդեգրել: Մեզ մոտ նման բան չկա, ես դա պաշտո­նապես հայտարարում եմ:

Ամբողջական՝ թերթի օրվա համարում

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս