loader
«Հրապարակ». Հ1-ից հեռացողներն ու մնացողները

«Հրապարակ». Հ1-ից հեռացողներն ու մնացողները

Մեր տեղեկություններով՝ օրերս Հանրային հեռուստաընկերության տնօրեն Մարգարիտա Գրիգորյանը հեռուստաընկերության լրատվական ծառա­յության աշխատակիցներին հավաքել է և ասել, որ լրատվական-վերլուծական հաղորդումների պատասխանատու Հարություն Հարությունյանը հե­ռանում է հեռուստաընկերությունից, սակայն 1-2 օր անց նա կրկին վերա­դարձել է աշխատանքի։ Խոսակցու­թյունների համաձայն՝ Հանրայինի ղեկավարությանը վարչապետի աշխատակազմից հրահանգել են որևէ փոփոխություն չանել, մինչ կորոշվի մնացողների ու գնացողների ցուցա­կը, որում կարող են հայտնվել նույն Մարգարիտա Գրիգորյանն ու ՀՀՌԽ նախագահ Ռուբեն Ջաղինյանը։ Մեզ հետ զրույցում Հարություն Հարու­թյունյանն ասաց, որ ցանկացել է աշ­խատանքից ազատվել իր դիմումով, սակայն նրան մերժել են՝ ասելով, որ դեռ նպատակահարմար չէ նրա հե­ռանալը։

- Մենք տեղեկություններ ու­նենք, որ Հանրային հեռուստաընկերությունում ասել են, որ Դուք հե­ռանում եք, սակայն 1-2 օր հետո կրկին աշխատանքի եք գնացել։

- Ես դիմում եմ տվել, հետո ինձ ասացին՝ դիմումդ հիմա չենք ստորա­գրում, մինչև ստորագրելն արի աշ­խատանքի, մի քանի օր շարունակի աշխատելը, մինչև հասկանանք։

- Չե՞ն պարզաբանել, թե ինչու Ձեր դիմումը չեն ստորագրել։

- Չէ, ասել են, որ քանի որ հի­մա փոփոխությունների շրջան է, ու որպեսզի բնականոն ընթացքը շա­րունակվի, խնդրում ենք, որ դու քո գործը շարունակես։ Ես հենց հիմա Ձեզ հետ խոսում եմ իմ սենյակից, որտեղ ես աշխատել եմ տարիներ ի վեր։

- Իսկ ո՞րն է եղել պատճառը, որ աշխատանքից ազատման դիմում եք ներկայացրել։

- Իսկ կարելի՞ է, որ ես իմ պատ­ճառները չբարձրաձայնեմ։

- Հանրային հեռուստաընկերության լրատվական քաղաքականու­թյան մեջ կա՞ն փոփոխություններ։

- Դուք՝ ինքներդ, կարող եք տես­նել՝ կա՞ն, թե՞ չկան։ Եթե Դուք տես­նեք վերջին 1-2 տարում ինչպիսի աշխատանք է տարվել, ես խնդրում եմ՝ բացեք-նայեք, ամեն ինչ հասա­նելի է, որպես լրագրող՝ համեմատեք 3 տարի առաջվա թողարկումների հետ և կտեսնեք մեկուկես տարի առաջ արված փոփոխությունները։

- Նկատի ունեք իշխանափոխությունից հետո՞։

- Երկրում իշխանություններ են փոխվել, դրանից առաջ ու դրանից հետո փոփոխություններ չկան։ Հի­մա ուղղակի փոփոխությունն այն է, որ հեղափոխություն է տեղի ունե­ցել, ու ավելի, չգիտեմ..., այսինքն՝ որևէ զանգ, որևէ բողոք չենք ստացել։ Բայց ինձ համար շատ սովորական բան է, որ մեզանից պետք է դժգոհեն և՛ էս կողմը, և՛ էն կողմը, և՛ երրորդ կողմը։ Երբ քեզա­նից բոլորը դժգոհ են, նշանակում է՝ դու ճիշտ ես աշխատում։ Դժգոհում են, որ Նիկոլ Փաշինյանին ցույց ենք տալիս այնպես, ինչպես Սերժ Սարգսյանին. պետք է հասկանան, որ վարչապետը Նիկոլ Փաշինյանն է։

- Պարոն Հարությունյան, Ձեզ չե՞ն ասել, թե երբ նպատակահար­մար կգտնեն Ձեր դիմումն ստո­րագրելու։

- Ասել են՝ մոտ օրերս։

Ամբողջական՝ թերթի օրվա համարում

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս