loader
«ՀԺ». Արծվիկ Մինասյան․ Ի՞նչ է մտածում ՀՅԴ-ն գիշեր-ցերեկ

«ՀԺ». Արծվիկ Մինասյան․ Ի՞նչ է մտածում ՀՅԴ-ն գիշեր-ցերեկ

Ներքաղաքական առաջի­կա զարգացումների և 2018-ից հետո ՀՅԴ-ի ակն­կալիքների շուրջ «Հայկա­կան ժամանակ»-ը զրուցել է ՀՅԴ Գերագույն մարմնի անդամ, բնապահպանության նախարար Արծվիկ Մինասյանի հետ:

֊ Պարոն Մինասյան, 2018 թվակա­նի նախագահի թեկնածուի հետ կարպված՝ Uերժ Սարգսյանն արդեն թվարկել է մի քանի չափանիշներ, որոնց պետք է համարրլատասխանի թեկնածուն: Ո՞ւմ եք տեսնում այդ պաշտոնում:

- Խնդրում եմ դիմեք մեր քաղա­քական ուժի գրասենյակին, եթե հարցնում եք որպես դաշնակցա­կան ներկայացուցչի, որպես անձ, բնականաբար, չափանիշների համապատասխան թեկնածու տես­նում եմ, բայց չեմ բարձրաձայնի:

- Նախարարի պաշտոնը քաղա­քական է, և հետո՝ Դուք ՀՅԴ ԳՄ ան­դամ եք:

- Դրա համար կա ՀՅԴ գրասեն­յակ, բացի այդ, հիշեցնեմ Ձեզ կոալիցիոն հուշագիրը, որ այդ հարցը ենթակա է քննարկման՝ կոալիցիոն ձևաչափով:

- ԱԺ ՀՅԴ խմբակցության ղեկա­վար Արմեն Ոուստամյանն ասել է նան, որ քննարկվում է Սփյուռքից համապատասխան թեկնածու ընտրելու տարբերակը:

- Քննարկել չի նշանակում որոշ­ել: Բոլոր հնարավոր տարբերակնե­րը, որոնք տեղավորվում են այն ձևաչափի մեջ, այո, քննարկման են­թակա են:

- Պարոն Մինասյան, Ծառուկյան դաշինքը, կարծես թե, իշխանամետ քայլեր է անում: Նախ, չսատարեց ԵԼՔ-ի նախագահի թեկնածուին, ապա ընդդեմ գնաճի դուրս չի գա­լիս երթի նույն դաշինքի հետ և ավե­լին՝ համամիտ է իշխանական թևի հետ, որ գնաճի հետ կապված խորհրդարանական լսումներ անց­կացվեն: Ի՞նչ եք կարծում, Ծառուկյան խմբակցության հետ 2018-ին կոալիցիա կկազմվի՞:

- Դուք հիմա ինձ առաջարկում եք, որ ես կանխատեսմամբ զբաղվեմ: Ես առաջարկում եմ, որ այդ հարցե­րով դիմեք այն քաղաքական ուժին, որին վերաբերում են դրանք: Ցան­կացած նախաձեռնություն, որ ստանում է աջակցություն, չի նշա­նակում բացարձակապես աջակ­ցություն իշխանությանն ամբողջ ծավալով: Ժամանակին ինքս Էլ եմ եղել ընդդիմություն և աջակցել եմ իշխանության նախաձեռնություն­ներին, որոնք իմ և մեր ծրագրած մոտեցումներով պետք է նպաստեն երկրում իրավիճակի բարելավմա­նը... Դա չի նշանակում, որ անպայ­ման դարձան իշխանություն: Այս մո­տեցումը սև ու սպիտակի բաժա­նումը, լավ տեղ չի տանում: Եվ, փոխարենը փորձել գտնել հակասու­թյուններ աջակցության շրջանակ­ներում, ես կարծում եմ, որ պետք է շեշտադրել, թե այդ աջակցության արդյունքը ո՞րն է, եթե աջակցեցինք որևէ օրենսդրական նախաձեռնու­թյան, ապա հետո ինչպե՞ս պետք է աջակցությունը չափելի դարձնենք: Տվե՞ց արդյունք՝ սոցիալական, հա­սարակական, տնտեսական առում­ներով, թե՞ ոչ, վերցնել ու ասել, որ այստեղ աջակցեց, իսկ այնտեղ՝ ոչ, հետևաբար սա... ես կարծում եմ, որ դա հեռանկարային քաղաքական վարքագիծ չէ:

- Ի՞նչ եք կարծում, կոալիցիոն գործընկերների շարքն այլ գործըն­կերներով համալրելու կարիք կա՞:

- Ես դժվարանում եմ ասել, որովհետև բոլոր նման դասավորումնե­րը կամ վերանայումները քաղաքա­կան համաձայնության շրջանակ­ներում պետք է լինեն: Այս պահին չեմ տեսնում որևէ հիմք կոալիցիոն համաձայնագիրը վերանայելու: Եթե քաղաքական ուժերը կգտնեն նպատակահարմար, որ անհրա­ժեշտ է այլ ձևաչափերով գնալ, դա, բնականաբար, քաղաքական ուժե­րի քննարկումների իրավասության ներքո է։ Ուզում եմ հիշեցնել Ձեզ նաև սահմանադրական նորմը, որ խորհրդարանում միշտ պետք է 1/3- ը լինի ընդդիմություն:

- Դաշնակցությունը սրտնեղու՞մ է այն խոսակցություններից, շրջանառվող տեղեկություններից, որ հնարավոր է Ծառուկյան դաշինքը կոալիցիա մտնի:

- Ես սրտնեղում եմ, որ այդ հարցը տալիս եք, պատասխանում եմ, բայց էլի շարունակում եք նույնը պն­դել: Չկա այդպիսի բան: Իշխանու­թյունը ոչ մեկի մենաշնորհը չէ, ոչ էլ քաղաքական վերադասավորումնե­րը՝ որոշակի անձանց, խմբերի, քա­ղաքական ուժերի սրտնեղության պատճառ: Առհասարակ սրտնեղու­թյունը քաղաքական կատեգորիա­յում չպետք է լինի:

Ամբողջական՝ թերթի օրվա համարում

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս