loader
«ՀԺ»․ Լուրեր կան, որ թիվ 46 երթուղայինը չի գործի

«ՀԺ»․ Լուրեր կան, որ թիվ 46 երթուղայինը չի գործի

Վերջին օրերին լուրեր են տարածվում, որ շուտով դադարելու է գործել Երևանի N46 միկրոավտոբուսային երթուղին, որը փաստո­րեն, կլինի հերթականը: Քաղաքապետարանի տրանսպորտի վարչությունից, պատասխանելով մեր հարցմանը, նշում են, որ տվյալ երթուղու աշխատանքի դադարեցման հետ կապված տե­ղեկատվություն չունեն: Մինչև այժմ բազմաթիվ երթուղիներ դա­դարել են գործել տարբեր ժամանակահատվածներում: Այդ երթուղիները սպասարկող ընկերությունները հիմնականում պատճա­ռաբանել են, որ աշխատում էին վնասով: Քաղաքապետարանից ստացված տվյալների համաձայն, վերջին 5 տարվա ընթացքում դադարեցվել է թվով 17 ավտոբուսային և թվով 11 միկրոավտոբուսային երթուղիների աշխատանքը: Տրանսպորտի վարչությու­նից հետաքրքրվել էինք նաև, թե տնտեսվարողների հետ կնքված պայմանագրերում կա՞ արդյոք դրույթ, որը վերաբերում է երթուղու սպասարկումը ժամկետից շուտ դադարեցնելու դեպքում տույժերի կիրառմանը:

«Երթուղիները սպասարկող կազմակերպությունների հետ կնքվող պայմանագրերում կա դրույթ, համաձայն որի, կազմակերպությունն իրավունք ունի հրաժարվելու երթուղու սպասարկման իրավունքից այդ մասին առնվազն 50 օր առաջ տեղյակ պահելով Երևանի քաղաքապետարանին»,- ասվում է պատասխան գրության մեջ:

Նշվում է նաև, որ կախված մրցույթների արդյունքներից, միկրոավտոբուսային երթուղիների սպասարկման իրավունքը տրվում է 3 կամ 4 տարի ժամկետով:

Ամբողջական՝ թերթի օրվա համարում

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս