loader
«Իրատես». Ալիևը խնդրել է ռուսներին, որ մի բան անեն` Փաշինյանի հետ չհանդիպի

«Իրատես». Ալիևը խնդրել է ռուսներին, որ մի բան անեն` Փաշինյանի հետ չհանդիպի

«Իրատես» թերթը զրուցել է քաղաքագետ Մանվել Սարգսյանի հետ ղարաբաղյան հակամարտության մասին:

Շփման գծում ադրբեջանական զինուժ է կուտակվում, պատերազմական գործողությունների վտանգ տեսնու՞մ եք:

Նախ պետք է հասկանանք, թե ինչ վիճակ է ստեղծվել: Հայաստանում հեղափոխությունից հետո, երբ նոր կառավարությունն արտահայտեց իր դիրքորոշումը, «շշկռված» վիճակում են և՛ Ադրբեջանը, և՛ Ռուսաստանը: Ի դեպ, այդ առումով բավականին հետաքրքիր էր, թե ֆուտբոլի աշխարհի առաջնության խաղերը դիտելու ժամանակ Փաշինյանին որ երկրների հետ էին նույն սեղանի շուրջը նստեցրել: Նազարբաև, Մեդվեդև, Սաուդյան Արաբիայի թագաժառանգը: Սա ցույց է տալիս, որ Ռուսաստանի համար բավական մեծ խնդիր է նոր Հայաստանը:

Հիշենք նաև, թե հայ համայնքն ինչպես ընդունեց Փաշինյանին Մոսկվայում: Հետխորհրդային տարածքում նման բան չեն տեսել, անգամ Ուկրաինայի հետ նրանք մեծ կոնֆլիկտ ունեցան ու ունեն, բայց այնտեղ իրենց որակի իշխանություն է՝ օլիգարխացված: Հայաստանը քաղաքական նոր կուրս է հայտարարել, որը Ռուսաստանի համար անսովոր բան է, նրանք դեռ փորձում են հասկանալ, թե ինչ է կատարվում:

Իսկ ինչու՞ է «շշկռված» Ադրբեջանը:

Առավել բարդ վիճակում է Ադրբեջանը, քանի որ Նիկոլ Փաշինյանը հայտարարեց, որ միմիայն Հայաստանի անունից է խոսելու, իսկ Արցախը պետք է խոսի իր անունից: Վերջին քսան տարում Ադրբեջանը նման խնդրի առաջ չի կանգնել: Նրանց պարզ ասված է՝ Ղարաբաղի խնդրով պետք է այդ երկրի իշխանությունների հետ խոսել:

Ռուսաստանի նախագահի խոսնակը, անդրադառնալով բանակցությունների թեմային, ասել էր, թե Հայաստանի և Ադրբեջանի նախագահների հանդիպում չի լինելու: Արդյոք պատահակա՞ն էր վրիպումը:

Դա ընդամենն Ադրբեջանին ծառայություն մատուցել էր: Այն պայմանը, որ Փաշինյանը դրել է, Ալիևը չգիտի ինչ անել ու խնդրել է ռուսներին, որ մի բան անեն, որ Փաշինյանի հետ չհանդիպի: Նրանք էլ այսպիսի «ուտկա» են բաց թողել: Ընդամենը սա է: Եթե Ալիևը հանդիպի Փաշինյանի հետ, նշանակում է` ընդունում է այս պայմանը: Դրա համար էլ փախել է, իսկ ռուսներն էլ օգնել են այդ հարցում:

Ասել է՝ ապրիլյան պատերազմի կրկնության վտանգ չկա՞:

Ապրիլից հետո է Ադրբեջանն այսպիսի բարդ դիվանագիտական իրավիճակում հայտնվել: Դրանից հետո է ստացել անընդունելի նախապայման, որ անվտանգության մեխանիզմներ տեղադրի: Հիմա մի «ապրիլ» էլ իր ինչի՞ն է պետք: Այդ պատերազմն ավելի բարդացրեց իրենց վիճակը: Միջազգային ասպարեզում սկսեցին խոսել այն մասին, որ պետք է Ղարաբաղը ճանաչել ու այդ խնդիրը լրիվ փակել: Սա է, որ Ադրբեջանին հետ է պահում, էլ չենք խոսում նաև այն մասին, թե ինչ կարող է լինել այս տարածաշրջանում, եթե պատերազմ լինի: Ապրիլյան պատերազմը հանգեցրեց այն բանին, որ Ադրբեջանը տանուլ տվեց: Սա է ստիպում նրան մտածել, որ նոր ապրիլը գուցե հանգեցնի Ղարաբաղի ճանաչմանը»:

Ամբողջական՝ թերթի օրվա համարում

ել է ռուսներին, որ մի բան անեն` Փաշինյանի հետ չհանդիպի

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս