loader
«Փաստ». Աշոտ Մանուչարյան. Մեր նավն այս պահին կանգնած է

«Փաստ». Աշոտ Մանուչարյան. Մեր նավն այս պահին կանգնած է

Հասարակական, քաղաքական գործիչ Աշոտ Մանուչարյանի կարծիքով՝ հայկական պետականության նավն այս պահին կանգ­նած է։ Այն ոչ մի տեղ էլ չի գնում։ Եվ դեռ կողմնորոշման փուլում է. փորձում է գիտակ­ցել ու հասկանալ, որ ինքն այսօր ազատու­թյան մեջ է։

«Դրսից, ներսից տարբեր խմբեր թեև հիմա էլ կան, բայց առաջին անգամ է, որ նրանք գործոնի կարգավիճակում են։ Այսինքն, կա­րող են ինչ-որ չափով ազդել իրավիճակի վրա, բայց առաջին անգամ է, որ ընտրու­թյունը մերն է։ Բայց դա միայն մի պարագա­յում է հնարավոր, եթե մենք որոշենք, որ մենք ընտրում ենք։ Իսկ հիմա մենք դեռ ձևավորվում ենք, փորձում ենք հասկանալ աշխարհը և այդ աշխարհում տեսնել մեր տեղը։ Այսինքն, հեղափոխության ամենահիմնական նվաճումներից մեկը հենց այն է, որ մենք այսօր ունենք ընտրության հնարավո­րություն»,- ասաց Ա. Մանուչարյանը։

Հարցին, թե ստացվում է, որ առանց կողմ­նացույցի հայտնվել ենք բաց ծովում, և դեռ պետք է հասկանանք՝ ուր գնալ, ինչ անել, բայց արդյոք այդքան ուժ ու ժամանակ ունենք, որպեսզի հանկարծ չհայտնվենք մեկ այլ շնաձկան երախում, քաղաքական գործի­չը պատասխանեց։

«Մենք կողմնացույց ունենք, այն էլ աշ­խարհում լավագույնը, բայց՝ ժամանակին այդ կողմնացույցը գցել ենք մի հեռու տեղ ու հավատացել ենք, որ կան աշխարհով մեկ սփռված քաղաքակիրթ քեռիներ, ովքեր իրենց կողմնացույցներով կասեն մեզ՝ ուր գնալ ու ինչ անել։ Ու չենք էլ հասկացել, որ այդ քեռիներն, ովքեր իրենց կողմնացույցնե­րով դեպի իրենց են փորձել տանել մեր երկի­րը, իրենք վաղուց արդեն կանգնած են եղել կործանման ճանապարհին։ Այսինքն, աշ­խարհում այսօր չկա որևէ կողմնացույց, որը կարողանա ճշգրիտ ցույց տալ, թե ուր պետք է գնան աշխարհի ժողովուրդները։ Եվ այս առումով, շատ կարևոր է հասկանալ, որ այսօր մենք նման ազատություն ենք ստացել որպեսզի վերհիշենք հազարամյակների ըն­թացքում մշակված մեր կողմնացույցի մա­սին, ավանդույթով մեզ հասած կողմնացույ­ցին ավելացնենք մեր դիտարկումները, կամ­քը, միտքը, ճշգրիտ կոդմնորոշվենք և կարո­ղանանք անվրեպ շարժվել առաջ»,- ասաց Ա. Մանուչարյանը։

Եվ ինչքան էլ որ կառավարման դաշտում շատ են խնդիրները, մի կողմից փորձ է ար­վում դրանք հաղթահարել, մյուս կողմից էլ ծագում են նոր խնդիրներ։ Եվ սա նորմալ գործընթաց է, որը պետք է անցնենք, համոզ­ված է բանախոսը։ Ինչ վերաբերում է քաղա­քական զարգացումներին, ապա կառավա­րությունը պետք է երկու բանի վրա ուշադ­րություն դարձնի։ Մեկը անցյալից մնացած և Հայաստանը խեղդամահ անող սարդոս­տայնից ազատվելն է, մյուսը, որ երիտա­սարդները հասկանան, պետք է այնպես անեն, որ վերելքում գտնվելու զգացումը, որը բոլորն ունեին, ոչ միայն նույն մակարդակի վրա պահեն, այլև զարգացնեն։

«Այդ սարդոստայնը ապամոնտաժելու ուղ­ղությամբ գործունեությունը պետք է շարու­նակվի, որը սկսվեց իշխանափոխությամբ։ Ի դեպ, այդ համակարգը շատ հզոր է և դեռ կարող է վերարտադրվել՝ անգամ ներառելով նրանց, ովքեր դեռ նոր են գալիս իշխանու­թյան։ Եվ այս վտանգն էլ պետք է հաշվի առ­նել, բայց ընդհանուր առմամբ կարող եմ ասել, որ գործընթացները դրական հունով են զարգանում»,- ասաց Ա. Մանուչարյանը։

Խոսելով քաղաքական դաշտում առկա իրավիճակի մասին՝ քաղաքական գործչի գնահատմամբ, վիճակը տագնապալի է, քա­նի որ հին համակարգն իր մեջ ներառում էր ոչ միայն իշխող կուսակցություններին, այլև այդ համակարգի դեմ պայքարողներին։ Այդ էր պատճառը, որ «պայքարողները» հիմնա­կանում ձևի հետևից ընկնելով՝ բովանդակության մասին լռում էին։

Ամբողջական՝ թերթի օրվա համարու

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս