«Ժողովուրդ». Վահան Շիրխանյան․ Նիկոլ Փաշինյանը ստացել է հիմնավորապես ականապատված երկիր

«Ժողովուրդ» օրաթերթը Հայաստա­նում ծավալված իրադարձությունների շուրջ զրուցել է Պաշտպանության նա­խարարի նախկին տեղակալ Վահան Շիրխանյանի հետ:

Մարտի մեկի քրեական գործով քննչական նոր գործողություններին ինչպե՞ս եք վերաբերվում, մասնավորապես, Քոչարյանի նկատմամբ մեղադրանք առաջադրելը: Այս գործընթացը որքանո՞վ է հիմնավոր:

Մարտի 1-ը Հայաստանում պետական ահաբեկչության միջոցով իշխանությունը պահելու տալոնային նմուշ է: Երկրորդ և երրորդ ապօրինի նախագահերը հաճախ են դիմել ահաբեկչության օգնությանը՝ զու­գահեռաբար օգտագործելով նաև Ար­ցախյան խնդիրը որպես շանտաժի գոր­ծիք: Դրանք բոլորը ուղեկցվել են Մարդու իրավունքների և Սահմանադրական պա­հանջների վրա պազապես թքելով:

Այնպես որ, ամեն ինչ ճիշտ է արվում: Քոչարյանից պետք է պահանջել նաև բա­ցատրություններ բազմաթիվ հանցավոր սեփականաշնորհումների համար, հատ­կապես «Հայոսկու», «Կոնյակի գործարանի» և «Արմենտելի» մասով:

Մարտի 1-ի պատասխանատուների ցանկը միայն Քոչարյանով է սահմանա­փակվելու, թե՞ ոչ:

Մարտի մեկում առավելագույն մասնակ­ցությունը նրա կազմակերպման, իրականացման, իսկ այնուհետպարտակման գործում ունեցել է Սերժ Սարգսյանը: Զորքերի տեղաշարժը Արարատից, Արմավիրից և Վանաձորից իրականացվել է նրա հրամա­նով: Այստեղ իրենց պատասխանատվու­թյան բաժինը ունեն Անվտանգության խորհրդի անդամները, ԱԺ, ԱԱԾ, Ոստիկա­նության ղեկավարներ, Ռազմական ոստի­կանությունը, օլիգարխների թիկնապահա­կան հանցախմբերը:

Շատերը նաև հոկտեմբերի 27-ի գործի վերաբացման պահանջ են դնում: Սրան հասնելը որքանո՞վ է հնարավոր:

Եթե մարտի մեկը նախ պետք էր Սեր­ժին, հետո միայն Ռոբերտին, ապա հոկ­տեմբերի 27-ը պետք էր նախ Ռոբերտին, հետո միայն Սերժին: Այն վճռականությու­նը, որին ականատես ենք ի դեմս վարչապետի, լուրջ հիմքեր է տալիս հուսալու, որ կբացահայտվի նաև հոկտեմբերի 27-ի ազ­գադավ հանցագործությունը:

2015 թվականին Նորք-Մարաշում հայտնաբերված հանցավոր խմբի գործով Ձեզ մեղադրանք առաջադրելը, կալանքի տակ պահելը որքանո՞վ է հիմնավոր, և Դուք ինչ կապ եք ունեցել խմբի պարագ­լուխ Արթուր Վարդանյանի հետ: Ավելին՝ եթե սա շինծու քրեական գործ է Ձեր դեմ, ապա ինչ նպատակ է այն հետապնդել:

Սա պետական ահաբեկչության հերթա­կան դրսևորում էր, որի նպատակը սահմանադրական հանրաքվեի նախօրեին հասա­րակությանը ահաբեկելն էր, ակտիվ դիմադ­րությունը ջարդելն էր: Երբ ինձ առաջադրեցին մեղադրանք սահմանադրական կարգի տապալման փորձի մեջ, Սահմանադրա­կան կարգը հերթական անգամ և հիմնավո­րապես տապալել էր Սերժը` հիմնովին կեղծելով հանրաքվեի արդյունքները:

Արթուր Վարդանյանը ինձ ներկայացել է որպես զոհված ազատամարտիկի որդի, և ես նրան ուշադիր լսել եմ, ինչը կանեի ցան­կացած մեկ այլ զոհված ազատամարտիկի զավակի դեպքում: Այս գործը Սերժին հա­ճոյանալու ծառայամտության պոռնկաց­ման վերին աստիճանի նմուշ է, երբ քրեականացվել է նույնիսկ Սպարապետի շիրի­մի մոտ նկարվելը կամ պարզապես ազա­տամարտիկ լինելը: Գործի 35 հատորները, դատավարության ընթացքը և մթնոլորտը լցված են թույնով ազատամարտիկների դեմ: Հաղթանակում մեծ վաստակ ունեցող Վովա Առաքելյանին և Խաչիկ Ավետիսյանին շարունակում են պահել կալանքի տակ՝ արհամարհելով օրենքը և նրանց առողջական վիճակը: Սա Գորիկ Հակոբյա­նի ԱԱԾ-ի քննչական, մարդկային, բարոյական խղճուկ պատկերի արտացոլումն է:

Ամբողջական՝ թերթի օրվա համարում