loader
 «Ժողովուրդ». Վլադիմիր Կարապետյան․ Երկուստեք պետական շահը չեն գիտակցում

«Ժողովուրդ». Վլադիմիր Կարապետյան․ Երկուստեք պետական շահը չեն գիտակցում

Ղարաբաղյան հակամարտության կար­գավորման գործընթացում հենց տա­րեսկզբից բավական ակտիվություն է նկատվում: Այս թեմայի շուրջ «Ժողո­վուրդ» օրաթերթը երեկ գրուցել է դիվա­նագետ, «Հայ ազգային կոնգրես» կուսակցության վարչության անդամ Վլա­դիմիր Կարապետյանի հետ:

֊ Այնուամենայնիվ, կարո՞ղ ենք արձա­նագրել, որ արցախյան խնդրի կարգավոր­ման գործընթացում որոշակի շարժ կա:

֊ Այո, կա, մասնավորապես հոկտեմբերի 16-ին նախագահների հանդիպումից հե­տո համատեղ հայտարարություն ընդուն­վեց համանախագահների և ներգրավ­ված պետությունների մակարդակով: Դա առաջին համատեղ հայտարարությունն էր վերջին մի քանի տարվա ընթացքում: Բացի այդ՝ դրան հաջորդեցին հանդի­պումներ ԱԳ նախարարների մակարդա­կով, համանախագահները օրերս պետք է այցելեն տարածաշրջան: Որոշակի ակտիվություն ես տեսնում եմ:

- ՄԱԿ-ի գլխավոր քարտուղարը, ԵԱՀԿ գլխավոր քարտուղարը հայտարարեցին, որ 2018 թվականի առաջնահերթությունների մեջ պետք է լինի դարաբաղյան խն­դիրը: Սա ի՞նչ էր նշանակում:

- Դե, առաջին անգամ չէ, որ նման հայ­տարարություն էր արվում, բայց գովելի է: Ակնկալո՞ւմ եք այս տարվա ընթացքում գործընթացում տեսանելի առաջընթաց:

֊ Ես հույս ունեմ: Եվ կարծում եմ՝ շատ լավ կլինի Հայաստանի զարգացման համար, որ առաջընթացը լինի տեսանելի, այսինքն՝ փաստաթուղթը, որի շուրջ բանակցություն­ներ են հիմա տեղի ունենում, ստորագրվի: Քայլերը, որ արվել են վերջին շրջա­նում, ինչպե՞ս եք գնահատում: Հնարավո՞ր էր անել ավելին, որ չի արվել:

- Շատ դժվար է ասել: Փակ դռների ետևում բանակցություններ են, որոնց ժամա­նակ յուրաքանչյուր կողմ իր շահերն է պաշտպանում: Ես չգիտեմ՝ Ադրբեջանն ի՞նչ շեշտադրումներ է արել, չգիտեմ՝ մե­րոնք ի՞նչ շեշտադրումներ են արել: Այդ իսկ պատճառով բանակցությունների վերաբեր­յալ գնահատական տալն անշնորհակալ գործ է: Միևնույն ժամանակ, ընդհանուր գործընթացի առումով կա աշխուժացում, ինչի մասին ասացի: Միայն փաստաթղթի ստորագրում, ուրիշ որևէ նոր բան առաջ չի քաշվելու: Եթե 20 տարի բանակցում են մի խնդրի շուրջ, իսկ 10 տարուց ավելի՝ մադրիդյան փաստաթղթի այս կամ այն տարբերակի շուրջ, նոր, հեղափոխական որևէ առաջարկություն չի լինելու: Դրա մա­սին շատ է ասվել, որ փաստաթուղթը 95 տոկոսով համաձայնեցված է, մնացած կնճ­ռոտ հարցերի շուրջ պետք է ձեռք բերվի համաձայնություն:

- Ի՞նչն է խանգարում, որպեսզի այդ հարցերը համաձայնեցվեն, և խնդիրը հանգուցալուծման հասնի:

֊ Ըստ իս՝ խանգարում է յուրաքանչյուր բանակցող կողմի՝ պետական շահի ընկա­լումը: Փակագծերը չենք կարող բացել, քա­նի որ փաստաթուղթը մեր ձեռքի տակ չէ:

֊ Ըստ Ձեզ, մինչև այժմ բանակցություն­ները ճիշտ ուղղությամբ են տարվե՞լ:

֊ Բանակցությունները վարում են երկու հոգի՝ Սերժ Սարգսյանը և Էդվարդ Նալբանդյանը։ Ինչ գերատեսչություն, ինչ բան..: Երկու հոգի են ներգրավված: Բացի այդ երկուսից՝ ոչ ոք տեղյակ չի, թե ինչի շուրջ են բանակցությունները վարվում:

- «Հայ ազգային կոնգրես»-ը խորհրդա­րանական ընտրություններին հանդես էր գալիս խաղաղության ծրագրով: Ձեր կու­սակցության հռչակած այդ նպատակի շուրջ շարունակվելո՞ւ են քայլերը նաև այն բանից հետո, երբ այս անգամ չհաջող­վեց խորհրդարան անցնել:

- Այո, իհարկե, շարունակվելու են: Մենք մեր դիրքորոշումները չենք փոխել: Շարունակում ենք մնալ նույն դիրքերում: Շեշտադրումները կփոփոխվեն՝ ըստ իրավիճակի, բայց ընդհա­նուր մոտեցումը, որ խաղաղությունը հասանելի  է և անհրաժեշտ Հայաստանի համար, այդ առումով փոփոխություն չկա:

Ամբողջական՝ թերթի օրվա համարում

Share
Class
Link
Plus
Send
Pin

ԿԱՐԴԱՑԵՔ ՆԱԵՎ

Լրահոս