Հեշտ ու համեղ. Ոսպով տաք պրովանսյան աղցան - 15 Փետրվարի 2020 - Հ24
/ Խոհանոց / Հեշտ ու համեղ. Ոսպով տաք պրովանսյան աղցան

Հեշտ ու համեղ. Ոսպով տաք պրովանսյան աղցան

15.02.2020   15:00 166369 Խոհանոց

Թվում է, թե եփած ոսպը պարզ գյուղական ուտեստ է, բայց ֆրանսիացիները նրան ազնվականություն են հաղորդել՝ հոտավետ բույսերի մի ողջ փունջ ու մի գդալ մանանեխ ավելացնելով:

Ոսպը շատ սիրել ու գնահատել են դեռ հին գաղիացիները, հույներն ու հռոմեացիները: Նրանք շատ լավ իմացել են, որ այս հագեցնող ուտեստը ուժի ու էներգիայի աղբյուր է, իսկ ավելի կոնկրետ՝ հարուստ է վիտամիններով ու սպիտակուցներով:

Բաղադրիչները

  • 300 գ խոշոր ոսպ
  • 1-2 միջին չափի գազար
  • 1 միջին չափի գլուխ սոխ
  • 1 կապ նեխուր
  • 3 պճեղ սխտոր
  • 3-4 ճյուղ մաղադանոս
  • 2 ճյուղ ուրց
  • 4-5 կոկոն մեխակ
  • 1-2 դափնու տերև

Սոուսի համար

  • 1 թ.գ. մանանեխ
  • 1 ճ.գ. կարմիր գինու քացախ
  • 3-4 ճ.գ. ձիթապտղի ձեթ
  • աղ
  • աղացած սև պղպեղ
  • 2-ական ճյուղ մաղադանոս, թարխուն և ռեհան

Պատրաստման եղանակը

  1. Մաքրեք սոխը, առանց կտրելու նրա մեջ մտցրեք մեխակի կոկոնները: Սխտորն առանց մաքրելու դանակի կոթով մի փոքր ճզմեք: Գազարը մաքրեք ու կտրտեք մանր քառակուսիների ձևով:
  2. Կաթսայի մեջ 1 լիտր սառը ջուր լցրեք, ավելացրեք սխտորը, սոխը, նեխուրը, դափնու տերևը, մաղադանոսի և ուրցի ճյուղերը:
  3. Ավելացրեք ոսպը, հասցրեք եռման աստիճանի, եփեք մինչը պատրաստ լինելը՝ 20-40 րոպե:
  4. Եփելու ավարտից 10 րոպե առաջ ավելացրեք գազարը: Քամեք եփած ոսպը, հեռացրեք սոխն ու խոտաբույսերը:
  5. Եփած սխտորը մաքրեք կեղևից, ճզմեք, դարձրեք շիլայանման զանգված:
  6. Սոուսի համար կանաչիներից հեռացրեք ցողունները, տերևները մանր կտրատեք: Բոլոր բաղադրիչները խառնեք սխտորի շիլայանման զանգվածի հետ ու ավելացրեք տաք մանանեխին:

Խորհուրդ: Ոսպի սիրահարները հիացած կմնան այս աղցանից: Այն կարելի է մատուցել որպես առանձին ուտեստ կամ որպես խավարտ՝ սպիտակ մսի հետ: Ցանկության դեպքում կարող եք նույնը աղցանը ոսպի փոխարեն կարմիր լոբիով պատրաստել:


ՀԱՎԵԼՅԱԼ ԼՈՒՍԱՆԿԱՐՆԵՐ


ՊԻՏԱԿՆԵՐ

Կիսվել սոցցանցերում

Որոնել
Մուտք
Կայքի գործընկերները
  • 4rd.am
  • ArmenLur.am
  • Վիճակագրություն

    Ընդամենը ակտիվ. 5
    Հյուրեր. 5
    Անդամներ. 0