Հունվարի 27-ից փետրվարի 2-ի աստղագուշակը՝ ըստ Արտաշես Մանկուլովի

Խոյ

Բոլոր գործերում նորի ձգտում կառաջանա, անհրաժեշտ կլինի մասնակցել կոլեկտիվ գործողություններին, շփվել ընկերների հետ: 27-30-ին՝ տրամադրության անսպասելի փոփոխություն, անկայունություն հարաբերություններում, կասկածամտություն: Շտապողականությունը կարող է վնասել ազդեցիկ անձանց հետ հարաբերություններին, արտասահմանի հետ գործերին:

1-2-ին՝ ակտիվություն նյութական դաշտում, կենցաղային խնդիրները լուծելիս: Հետաքրքրություն կառաջանա բիզնեսի ու առևտրի նկատմամբ: Հնարավոր են չնախատեսված ծախսեր:

Ցուլ

Ծրագրերի իրագործման ու դիրքերն ամրապնդելու համար պայքարի շրջան է: Կազմակերպչական ունակությունները դրսևորելու անհրաժեշտություն կառաջանա: 27-30-ին՝ անկայունություն հարաբերություններում, խանդ: Շտապողականությունը կարող է խանգարել համատեղ ֆինանսական գործերին ու բիզնեսին: Հնարավոր են հարկերի հետ կապված խնդիրներ: Վեճեր՝ ընկերների հետ:

1-2-ին՝ անձնական մեծ ակտիվություն: Ձեզ կդրսևորեք տնային գործերում: Ուրախություն կպատճառեք հարազատներին ու մտերիմներին: Ուզածին հասնելու հնարավորություն կստեղծվի:

Երկվորյակ

Մեծ ինքնավստահություն, լավատեսություն, հնարավորություններն ընդլայնելու ձգտում: 27-30-ին ցանկություններն իրագործելու ու նպատակին հասնելու հարցում ավելորդ ակտիվությունը կարող է խնդիրներ ստեղծել հարաբերություններում: Անբարենպաստ ժամանակահատված է բանակցությունների ու համաձայնությունների, գործնական ու սիրային կապերի համար:

1-2-ին անսպասելի աշխատանքն ու տան հետ կապված հոգսերը կարող են շեղել անձնական ծրագրերից: Առանձնանալու, գործերից հեռանալու ձգտում կունենաք: Բարձր զգայունակություն ու հուզականություն:

Խեցգետին

Ծանր ու անկայուն շրջան է՝ փոփոխության ակնկալիքներով ու ընտրության պահերով: 27-30-ին՝ խնդիրներ սիրային հարաբերություններում: Խանդ: Ուրիշների զգացմունքների ու տրամադրության հանդեպ անուշադրությունը կխանգարի իրագործել սեփական ցանկություններն ու հասնել նպատակներին:

1-2-ին՝ ազատությունը պահպանելու ձգտում: Կձգտեք դեպի ընկերները, կհետաքրքրվեք նորություններով:

Առյուծ

Հատուկ ուշադրություն պետք է դարձնեք շուրջը տեղի ունեցող ամեն ինչին: Մեծ կախվածություն կառաջանա ուրիշներից: 27-30-ին խնդիրներ կծագեն սիրային հարաբերություններում: Խանդ: Ուրիշների զգացմունքների ու տրամադրության հանդեպ ուշադրության պակասը կխանգարի հասնել նպատակներին ու իրագործել ցանկությունները:

1-2-ին ակտիվ մասնակցություն կունենաք տնային գործերին, աշխատանք ի նպաստ ընտանիքի: Ցանկություններն իրականացնելու ձգտում, բարձր նպատակասլացություն:

Կույս

Աշխատանք ու հոգսեր են սպասվում: Գործերն ավարտելու համար մեծ ջանքեր պետք է գործադրեք: 27-30-ին խնդիրներ կստեղծվեն ընտանեկան հարաբերություններում, որոնք կարող են անդրադառնալ նաև գործնական հարաբերությունների վրա: Ճաշակի, վարքի հետ կապված վեճեր: Խանդ սիրելիի հանդեպ:

1-2-ին՝ բարձր տրամադրություն ու սկզբունքայնություն: Մարդկանց հետ հեշտությամբ լեզու գտնելու ու կարևոր անձանց աջակցությունը ստանալու ունակություն: Հանդիպումներ՝ արտերկրից եկած հարազատների հետ կամ հեռվից նորություններ կստանաք:

Կշեռք

Ուժերի վերելքի, դիրքերի ամրապնդման և ուշադրությունը ձեզ վրա հրավիրելու շրջան է: 27-30-ին՝ խնդիրներ գործնական հանդիպումների ժամանակ ու գործընկերների հետ հարաբերություններում: Կծանրաբեռնվեք գործերով ու հոգսերով, մտերիմների կողմից անհրաժեշտ աջակցությունը չեք ստանա: Անբարենպաստ օրեր են ղեկավարության հետ շփվելու համար:

1-2-ին՝ անհանգստությունը կստիպի ինչ-որ բան փոխել տանը, խառնվել ընտանեկան հարաբերություններին կամ ընտանիքի բյուջեին:

Կարիճ

Մեծ ուշադրություն կխլեն ընտանեկան հոգսերն ու հարազատների հետ գործերը: Հետաքրքրություն կառաջանա ընտանիքում զբաղեցրած դիրքի հանդեպ: 27-30-ին՝ խնդիրներ սիրային հարաբերություններում: Անհիմն ու իմպուլսիվ ծախսեր կանեք նորաձև իրերի վրա: Խանդ:

1-2-ին՝ շփումներ, հետաքրքրություն կցուցաբերեք ամուսինների գործերին: Զգայունակություն ուրիշների տրամադրության հանդեպ:

Աղեղնավոր

Շատ հանդիպումներ ու զրույցներ են սպասվում: Հետաքրքրասեր կլինեք, կհետաքրքրվեք տեղեկատվությամբ: 27-30-ին՝ խնդիրներ հարաբերություններում, բարձր հուզականություն: Հնարավոր է խանդ: Հարաբերություններ կպարզեք հարազատների հետ:

1-2-ին՝ ակտիվ աշխատանք տանը, գործերում կարգուկանոն կհաստատեք: Կցուցաբերեք օգնություն հարազատներին՝ նրանց գործերի կարգավորման հարցում: Ուշադիր եղեք առողջության նկատմամբ:

Այծեղջյուր

Նյութական շահի ձգտում: Կփորձեք ամրապնդել ձեր դիրքերը: 27-30-ին՝ խնդիրներ ուրիշների զգացմունքների ու տրամադրության հանդեպ ուշադրության պակասի պատճառով: Առանձնանալու ձգտում: Անհաջող հանդիպումներ կամ ուղևորություններ:

1-2-ին՝ բարձր տրամադրություն, ուրախություն երեխաներից ու սիրելիներից: Լավ ժամանակ անցկացնելու հնարավորություն կունենաք:

Ջրհոս

Շարունակվում է Ջրհոսի ամիսը: Զբաղված կլինեք անձնական գործերով ու խնդիրներով: Գործունեության մի շարք ոլորտներում կամրապնդեք ձեր դիրքերը: 27-30-ին խնդիրներ կառաջանան ընկերների հետ հարաբերություններում, կոլեկտիվների, ֆինանսական գործերի հետ կապված հարցերում: Կծագեն վեճեր գումարի պատճառով: Իմպուլսիվ ծախսեր:

1-2-ին՝ մեծ ակտիվություն տնային գործերում, հարազատների կողմից նկատված ու գնահատված լինելու ձգտում: Կարևոր հանդիպումներ՝ հարազատների հետ:

Ձկներ

Իրավիճակի հանդեպ թույլ վերահսկողություն: 27-30-ին գերակտիվությունն ու ագրեսիվությունը կարող են արգելակել ֆինանսական, մասնագիտական ծրագրերը: Խնդիրներ՝ կարևոր մարդկանց հետ հարաբերություններում: Նկատելի կդառնա էսթետիկ ճաշակի պակասը: Բարձր հուզականություն:

1-2-ին կշփվեք հարազատների ու գործընկերների հետ: Կարճատև ուղևորություններ՝ ընտանեկան կամ կենցաղային գործերով: Հուզականություն՝ զրույցների ժամանակ: