Փետրվարի 17-23-ի աստղագուշակը՝ ըստ Արտաշես Մանկուլովի

Խոյ

Այս շաբաթ ավարտվում է նորություններ ու փոփոխություններ բերող շրջանը, և սկսվում է սպասումների, անորոշության, պատահականություններից մեծ կախվածության շրջանը: 17-20-ին սպասվում են հաջողություններ ֆինանսական գործերում ու բիզնեսում: Գումար կստանաք: Կմասնակցեք ընկերների հետ համատեղ գործերին: 

21-23-ին ինտուիցիայի ու սեփական շահի զգացման շնորհիվ կարող են լուծվել կարևոր գործերը:

Ցուլ

Վերջանում է ծրագրերի իրագործման, դիրքերի համար պայքարի շրջանը, և սկսվում նոր գաղափարների ու զարգացման նոր ուղիների փնտրտուքի շրջանը: 17-20-ին ինքնատիպ կլինեք, կձգտեք ազատության: Մեծ ինքնավստահություն, հետաքրքիր նորություններ ու առաջարկներ: Անձնական ծրագրերն ու նպատակները կյանքի կոչելու համար անսպասելի հնարավորություններ կստեղծվեն:

21-23-ին՝ նոր գաղափարների ու գործունեության նոր ոլորտների փնտրտուք: Աջակցություն՝ կարևոր անձանցից կամ ընկերներից: Արտասահմանի հետ կապված գործերի հաջող ընթացք:

Երկվորյակ

Այս շաբաթ սկսվում է որոշակի ծրագրերի իրագործման ու հույսերի շրջանը: 17-20-ին՝ անսպասելի լավ փոփոխություններ համատեղ գործերում ու նախաձեռնություններում: Խնդիրները լուծելու հնարավորություն: Ընտանեկան բյուջեի բարելավում: Զգայունակություն, սուր ինտուիցիա: Անձնական խնդիրները լուծելու անսպասելի հնարավորություններ կլինեն:

21-23-ին՝ ակտիվություն նպատակին հասնելու ճանապարհին: Ձեզ համար շահավետ փոփոխությունների ձգտում: Հաջողություններ համատեղ գործերում ու բիզնեսում:

Խեցգետին

Այս շաբաթ վերջանում է բարդ ու անկայուն շրջանը, և սկսվում է ինքնավստահության, հնարավորություններն ընդլայնելու շրջանը: 17-20-ին՝ հարաբերություններում ազատության ձգտում: Նոր գործեր սկսելիս մեծ ինքնավստահություն: Կմասնակցեք ընկերների, կազմակերպությունների հետ համատեղ գործերին: 

21-23-ին՝ համագործակցության ընդլայնում, նոր գործընկերներ կհայտնվեն: Արտասահմանի հետ կապված գործերի բարելավում, աջակցություն՝ ազդեցիկ անձանցից:

Առյուծ

Վերջանում է շրջապատողներից մեծ կախվածության շրջանը, և սկսվում է փոփոխությունների, անկայունության, կասկածների շրջանը: 17-20-ին կառուցողական, դինամիկ գործողությունները հաջողություն կբերեն աշխատանքի մեջ, մասնագիտական գործերում: Անսպասելի հաջողություն պետհիմնարկների, ղեկավարության հետ կապված գործերում: Մեծ ինքնավստահություն:

21-23-ին աշխատանքի մեջ համառություն ու ինքնավստահություն կհայտնվի, կուզենաք գործերում ինչ-որ բան փոխել: Համատեղ գործերի լավ արդյունքներ:

Կույս

Վերջանում է աշխատանքով ու հոգսերով ծանրաբեռնված շրջանը: Ավելի շատ կհուզեն շրջապատողների հետ հարաբերությունները: 17-20-ին՝ նոր հնարավորություններ սիրային հարաբերություններում: Երեխաների հետ կապված գործերի բարելավում: Առաջարկներ կստանաք արտերկրից: Աջակցություն՝ կարևոր անձանցից: Գործողություններում ազատություն ձեռք կբերեք, վառ կդրսևորվեք կոլեկտիվում:

21-23-ին՝ ակտիվություն շփման մեջ, հաճելի հանդիպումներ, լավ գործընկերներ կգտնեք: Սիրային հարաբերությունների բարելավում: Մասնակցություն հետաքրքիր միջոցառումների:

Կշեռք

Այս շաբաթ վերջանում է սեփական հետաքրքրությունների համար ակտիվ գործողությունների շրջանը, ավելի շատ հոգսեր կծագեն տանը, կծանրաբեռնվեք աշխատանքով: 17-20-ին հաջող դիպվածը կօգնի լուծել տնային խնդիրները: Տանը մեծ փոփոխություններ կծրագրեք կամ նման ցանկություն կունենաք: Նորություններ բիզնեսում: Ընտանեկան բյուջեի բարելավում:

21-23-ին՝ ակտիվություն տնային գործերում կարգուկանոն հաստատելիս: Հարմարավետություն կստեղծեք, կաշխատեք ի նպաստ ընտանիքի:

Կարիճ

Կսկսեն քչանալ ընտանեկան խնդիրներն ու հոգսերը, և ուժերի վերելքի հաջող շրջան կսկսվի: 17-20-ին՝ նոր գործընկերների ակտիվ փնտրտուք ու հանդիպումներ: Համագործակցության նոր առաջարկներ: Կմասնակցեք կոլեկտիվի գործերին: Անսպասելի հանդիպումներ ու բանակցություններ հարազատների հետ:

21-23-ին՝ լավ նորություններ, շահավետ ուղևորություններ, հաճելի հանդիպումներ: Ճանապարհին հնարավոր են ռոմանտիկ ծանոթություններ: Կմեծանա ուրիշներին համոզելու ունակությունը:

Աղեղնավոր

Աստիճանաբար կանցնի անհանգստության, հաճախակի հանդիպումների, լարված մտավոր աշխատանքի շրջանը, ու կսկսվի ընտանեկան խնդիրների նկատմամբ հատուկ ուշադրության շրջանը: 17-20-ին՝ ավարտված աշխատանքից գումար կստանաք, իսկ համագործակցությունից՝ շահույթ: Լավ հեռանկարներ՝ բիզնեսում: Փոփոխություններ աշխատանքի մեջ:

21-23-ին՝ հաջողությամբ կվարեք ֆինանսական գործերն ու բիզնեսը: Ընտանեկան բյուջեի բարելավում: Գնումներ կկատարեք տան համար:

Այծեղջյուր

Նյութական խնդիրների հանդեպ հետաքրքրությունն աստիճանաբար կփոխարինվի տեղեկատվական դաշտի, շփման հանդեպ հետաքրքրությամբ: 17-20-ին՝ ինքնավստահություն: Ազատության ձգտում: Ակտիվ գործունեություն՝ ձեր օգտին: Անսպասելի փոփոխություններ ու հաճելի արկածներ սիրո մեջ: Անակնկալ ուրախություն:

21-23-ին՝ հեռանկարների, շահավետ կապերի, պիտանի տեղեկատվության փնտրտուք: Հաջող ուղևորություններ: Համատեղ գործեր հարազատների հետ:

Ջրհոս

Վերջանում է Ջրհոսի ամիսը, և անձնական գործերի հանդեպ հետաքրքրությունը կփոխարինվի նյութական վիճակի հանդեպ հետաքրքրությամբ: 17-20-ին տանը անսպասելի փոփոխությունները կստիպեն շեղվել անձնական հետաքրքրություններից: Որոշ տնային խնդիրներ լուծում կստանան:

21-23-ին՝ ակտիվություն ու հաջողություն ֆինանսական գործերում, առևտրի մեջ: Շահի հանդեպ լավ հոտառություն:

Ձկներ

Վերջանում է անորոշության ու տարօրինակ իրադարձությունների շրջանը, և փետրվարի 19-ից սկսվում է Ձկների ամիսը, որն ուժերի ու անձնական նախաձեռնողականության աճ կբերի: 17-20-ին՝ ընկերների, ուղևորությունների հետ կապված անսպասելի նորություններ: Ծանոթություն՝ ինքնատիպ անձանց հետ: Բարեկամների հետ կապված հետաքրքիր իրադարձություններ: Հասարակական գործերում ակտիվ ինքնադրսևորվելու հնարավորություն:

21-23-ին՝ ինքնավստահություն, ակտիվ շփումներ: Հաջողություններ հասարակական գործերում: Ինքներդ ձեզ ցույց տալու, առաջատարի դերը ստանձնելու հնարավորություն կունենաք: