Viva-ի 80 միլիոն ԱՄՆ դոլար ծավալով պարտատոմսերն ամբողջությամբ տեղաբաշխված են
«Վիվա Արմենիա» ՓԲ ընկերության` 80 միլիոն ԱՄՆ դոլար անվանական ծավալով պարտատոմսերն ամբողջությամբ տեղաբաշխված են։ Յուրաքանչյուրը 100 ԱՄՆ դոլար անվանական արժեքով պարտատոմսերի արժեկտրոնային տարեկան տոկոսադրույքը 7,65% է, շրջանառության ժամկետը՝ 36 ամիս։ Պարտատոմսերի տեղաբաշխողն Ամերիաբանկն էր։
Այսպիսով, Viva-ն դարձել է Հայաստանի կապիտալի տեղական շուկայում մինչ օրս ամենամեծ ծավալով արտարժութային պարտատոմսեր թողարկած ընկերությունը։
«Սա մեծ նվաճում է Viva-ի համար, քանի որ ցույց է տալիս հանրության մեծ վստահությունը և դրական վերաբերմունքը մեր ընկերության նկատմամբ։ Այն ամուր հիմք է ստեղծում ընկերության հետագա զարգացման և մեր հավակնոտ ծրագրերի իրականացման համար։ Սա կարևոր քայլ է, որը կօգնի ոչ միայն ամրապնդել մեր դիրքերը շուկայում, այլև ընդլայնել առաջարկվող ծառայությունների թիվն ու բարելավել հաճախորդների գոհունակությունը», - նշել է Viva-ի գլխավոր տնօրեն Արմեն Ավետիսյանը։
Թվով 800 000 պարտատոմսերը ձեռք են բերել հարյուրավոր ֆիզիկական անձինք և ինստիտուցիոնալ ներդրողներ։
Առաջնային տեղաբաշխումից հետո պարտատոմսերը կցուցակվեն Հայաստանի ֆոնդային բորսայում, ինչից հետո հնարավոր կլինի դրանք գնել կամ վաճառել երկրորդային շուկայում։
ՀԱՎԵԼՅԱԼ ԼՈՒՍԱՆԿԱՐՆԵՐ
ՊԻՏԱԿՆԵՐ
| Դայջեսթ [7] |
| Քաղաքական [5] |
| Տնտեսական [281] |
| Մեկնաբանություն [2] |
| Սատիրիկոն [2] |
| Խոհանոց [18] |
| Աստղագուշակ [15] |